Abraham Maslow

Ji Wîkîpediya, ensîklopediya azad.
Here cem: navîgasyon, lêgerîn

Abraham Harold Maslow (* 1'ê avrêlê 1908 li Brooklyn, New York City; † 8'ê pûşperê 1970 li California psîkologekî navdar ê DYAyê bû. Di nava avakarên (bavên) psîkolojiya hûmanîst de tê hejmartin ku di lîteratûrê de jê re "hêza sêyemîn" tê gotin. Ji ber ku di dema wî de psîkanalîz û tevgernasî du dibistanên sereke bûn.

Di malbateke ji rêzê ya bingeh Cihû de mezin bûbû. Ew viya bi erênî dinirxîne. Ango dibêje "heger di nava hindikayiyan de mezin nebûma, ez ê jî wekî yên din bextewar bûme, pêdivî bi tenêmayînê, lixwevarqilînê, pirtûkxwendinê nedîta".

Li Zanîngeha Wisconsin perwerdeya derûnînasiyê dibîne. Sala 1928ê marî dibe (dizewice). Hevnasîna wî bi Alfred Adler re çêdibe, gelek di bin bandora wî de dimîne.

Maslow baweriya xwe bi xwezaya mirov tîne, hêza mirov bilind dinirxîne. Lê dibîne ku cîhana derûnî ya mirov jî di bin gelek bandoran de ye. Hin pêdiviyên wê hene. Maslow dûrûdirêj li van pêdiviyan dikole û wan kategorîze dike. Piştre vana di çarçoveyekê de rêz dike ku bi navê "Angaşta Maslow a hiyerarşiya pêdiviyan" binav dike.

Angaşta hiyerarşiya pêdiviyan a Maslow[biguherîne]

Hiyerarşiya pêdiviyan a Maslow

Pêdiviya bicihanîna kesayetiyê û armancan

Pêdiviya xwenaskirindanê, pêdiviya pesindîtinê

Pêdiviya civakî, aîdiyet ûêd.

Pêdiviya hezkirin, ewlekarî û bawerîanînê

Pêdiviyên bingehîn, av, xwarin, seks ûêd.

Girêdanên derve[biguherîne]