Amadeo Preziosi

Ji Wîkîpediya, ensîklopediya azad.
Here cem: navîgasyon, lêgerîn
Portreya kurdekî Bedlîsê yê bi navê Evdila, di sala 1852-an de bi destê Kont Amadeo Preziosi hate çêkirin.

Amadeo Preziosi an Amedeo Preziosi an jî Kont Amadeo Preziosi (1816-1882) hunermendekî maltî bû. Ew di 02.12.1816-an de li bajarê Vallettayê (li girava Maltayê) hatiye dinê. Preziosi di atolyeya wênekarê maltî Giuseppe Hyzler de şagirt bûye û pişt re di École des Beaux Arts a Parîsê de xwendiye. Di sala 1842-an de li Stenbolê bi cih bû û heta mirina xwe li wir ma.

Ji xeynî wêneyên jiyana adetî ya gel û cih û peysajên rengareng ên Stenbolê, Preziosi çend portreyên kurdan jî çêkirin. Wî nîgareyên xwe bi zirîç û hibir xêz dikirin û dû re bi rengên avî dikişandin. Du albûmên wî yên nîgareyên lîtografîk jî hene.

Preziosi wêneyên xwe li Parîs (1858, 1867), London (1863) û Stenbolê (1880, 1881) pêşkêş kirin; di sala 1862-an de çû Misirê, di 1868-69-an de jî çû Romanyayê.

Amadeo Preziosi ji encama rûdaneke nêçîrvaniyê di 27.09.1882-an de li Yeşilkoyê miriye û li goristana katolîk a Santo Stefanoyê ya Yeşilkoyê (nêzîkî Stenbolê ye) hatiye veşartin.

Çavkanî û girêdanên derve[biguherîne]