Başkulok

Ji Wîkîpediya, ensîklopediya azad.
Here cem: navîgasyon, lêgerîn
Başkulok
Saxicola torquatus -South Africa -male-8 (3).jpg
Nêr
Rewşa parastinê
Dabeşandina zanistî
Cîhan: Animalia
Filûm: Chordata
Çîn: Aves
Kom: Passeriformes
Famîle: Muscicapidae
Cins: Saxicola
Cure: S. rubicola
Navê zanistî yê latînî
Saxicola rubicola
(Linnaeus, 1766)
Hevwate

Saxicola torquatus rubicola

Başkulok (Saxicola torquata), cureyekî mêşgirtan (Muscicapidae) e ku xweciyê welatên binebaybana Afrîkayê, nîvgirava Erebistan û li Kurdistanê tê dîtin.

Şayes[biguherîne]

Nêrê S. t. axillaris ji Kînyayê
Saxicola rubicola

Mezinahî û kelwaşa xwe 12 cm dirêj e. Yê nêr, di payîzê de qehweyîyekî tarî ye, ji milê piştê ve, hinek pinîyên reş lê ne, û binpişta wî spî ye û gîxên qemer lê ne, kurîya wî qehweyîyekî tarî ye û binê wê di bin binpiştê de spî ye. Tokeka spiya pan li stûyî werhatiye, û gîxeka spîya mezin li çengveşêran e. erzink û heftik û alek, reş in û piçeka soratîyê li dûmahîya perrên wan e. sing sorve ye û zik spî ye. demê têjikînanederê ser û pişt reş dibin. ya mê, ji milê piştê ve, qehweyîyeka gîxdara gîxreş e. Binepişt qemerekî vekrîye. kurî wekî ya yê nêr e. Qana spîya li çengan ne gelek diyar e. erzink û heftik xwelîkîyekî tarî ne. berçêlk sorve ye û zik û binzik spîve ne. Têjik wekî ya mê ye, û ji milê piştê, pinîpnî ye.[2]

Jîngeh[biguherîne]

li Kurdistanê, zivistanan (ji dûmahîkê meha tebaxê heta dûmahîkê meha Avrêlê), û bi rêberî jî, biharan (ji dûmahîya meha subatê heta meha nîsanê) û payîzan (ji dûmahîya meha tebaxê û herdu çirîyan), li erdên beyar û şorik û şêlên têrdexel û qerram û li ser teraş û darik û dartêl û pejanan (gelek caran, dadayî û navbeyn navbeyn, kurîyê û herdu çengan dijenit) diête dîtin.[3]

Reftar[biguherîne]

Xwarin[biguherîne]

Xwarina wî dubarî mêş û mûr û kurmik in.

Pirbûn[biguherîne]

Hêlîna xwe, ser erdê yan nêzîkî erdê û di nav gil, giyayî û qerramî de, çê dikit. ji (4 - 6) hêkên şînveyên pinîsor dikit. Cihên lê belav: li nîveka ewropa û devera deryaya spî û jêrîya Ûris heta joriya rojavaya Afrîka, Tirkiyê, Qefqaz, devera deryayê Qezwîn, gizîrteya Erebî, Ermenistanê, Azerbaycanê, jorî û jêrîya rojavaya Îranê têjikan diînte der. zivistanê xwe, bi qetlazî li Kîprosê , Îraqê û li jorîya rojhilata Afrîka (jorîya Hebeşe, jorîya Misrê, Sudan, Somal, Libya) û nîvgirava Erebî û Hindistanê û jêrîya rojhilata Asya diborînit.[4]

Çavkanî[biguherîne]

  1. http://www.iucnredlist.org/apps/redlist/details/147527/0
  2. Ji Koma BALINDEYÊN KURDISTANÊ_Îsamîl Şahîn_[[1]]
  3. Ji Koma BALINDEYÊN KURDISTANÊ_Îsamîl Şahîn_[[2]]
  4. Ji Koma BALINDEYÊN KURDISTANÊ_Îsamîl Şahîn_[[3]]

Girêdanên derve[biguherîne]