Cehek
Cehek, şehîre, rişteya Bidlîsê, rişteya hûrik an porporî, şehriye, rişteya Îranê wekî meqarneyê ji ceh, riz an genimê tê çêkirin. Xwarin û berkeliyek (melzemeyê xwarinê) e ku di pêjgeha kurd de gelek tê bikaranîn. Mirov dikare bêje meqarneya hûrik e.
Li Kurdistanê pirranî ji ji cehê ye. Bi savar, rizê ve, di şorbeyan de tê bikaranîn. Herwiha ceheka çîçîlkî (şehîreya rişteyî, şehriyeya porporî) jî di xwarinên kurdî de cihê xwe digire. Ceheka cehê, wekî dendikên gulberojê ne, hûrik in.
Ceheka li Ewropayê tê xwarin a îtalî ye jê re vermicelli dibêjin. Mirov dikare bêje cureyeke spagetîyê ye. Li seranser cîhanê gelek cureyên wê tên xwarin.
