Charles Hard Townes

Ji Wîkîpediya, ensîklopediya azad.
Here cem: navîgasyon, lêgerîn
Charles H. Townes, 2007 (rastê)

Charles Hard Townes (* 28'ê tîrmehê 1915 li Greenville, South Carolina) fîzîknasekî navdar ê Amerîkayê ye, guncavê Xelata Nobelê hatiye dîtin.

Jiyan[biguherîne]

Charles Hard Townes di 28'ê tîrmeha sala 1915 hatiye jiyanê. Bavê wî parêzer Henry Keith Townes û diya wî jî Xanim Ellen (Hard) Townes e.

Ew li dibistanên Greenville (South Carolina) dixwîne. Li heman bajarê zanîngehê jî dixwîne (li Zanîngeha Furman). Sala 1935 bidawî dike, bo masterê diçe Duke University (1936). Doktoraya xwe sala 1939 li California Institute of Technology li ser veqetandina îzotopan dide.

1933 heya 1947 ew li Laboratûarên Bell e ku li wir cureyên radaran bo şer bipêşxistibû. Di pêşxistina teknîka radaran de rola wî mezin e.

Sala 1950 ew profesorê fîzîkê ye li Zanînegha Columbia. 1950 heya 1952 ew gerînende ye li Columbia Radiation Laboratory û 1952 heya 1955 serokê fakulteya fîzîkê ye. Ji 1959 heya 1961 ew birêveber e di Institute for Defense Analyses li Washington D.C..

Sala 1961 bo profesoriya fîzîkê bike li Massachusetts Institute of Technology tê vexwendin lê napejirîne, bo lêkolînan xwe serbest dihêle. Sala 1967 profesore li zanîngeha California.

Townes sala 1941 bi Frances H. Brown re marî dibe (dizewice) û çar keçên wan dibin, Linda Rosenwein, Ellen Anderson, Carla Kessler û Holly Townes. Ew bûrayê Arthur L. Schawlow e ku sala 1951 ciwantirîn xûşka wî Aurelia pê re marî bûbû.

Sala 1967 ew dibe serokê Civaka Fizîknasên DYAyê, American Physical Society.

Xebat û girîngiya wî[biguherîne]

Ew gelek cureyên radaran bo şer çêdike, teknîka mîkropêlan (pêlên mîkro) di lêkolînên radarê de diceribîne.

Herwiha ew li ser elektronîka qûantan, radyoastronomî, înfrarotastronomî jî gelek lêkolîn û ceribandinan dike, cîhana teroriya wan bipêşdixe, dewlemend dike.

Townes sala 1964 bi tevî Nîkolay Basov û Alexander Proxorov Xelata Nobel a fîzîkê werdigire.

Xelat û paye[biguherîne]

Nivîs[biguherîne]

  • Making Waves. AIP Press, 1995.
  • How the Laser Happened: Adventures of a Scientist. Oxford University Press, 2000.
  • bi tevî A. L. Schawlow: Microwave Spectroscopy. McGraw-Hill, 1955.
  • bi tevî A. L. Schawlow: Infrared and Optical Masers. Di: Physical Review. Bend 112, 1958, S. 1940
  • A life in physics, Oral History Interview von Suzanne Riess, University of California 1994 (Pêşgotin ji Arthur Schawlow)

Çavkanî[biguherîne]

  • M. Bertolotti: History of the Laser. Taylor and Francis, 2004.
  • J. L. Bromberg: The Laser in America, 1950–1970. MIT Press, 1991.
  • R. Y. Chiao: Amazing Light : A Volume Dedicated To Charles Hard Townes On His 80th Birthday. Springer, 1996.
  • J. Hecht: Beam: The Race to Make the Laser. Oxford University Press, 2005.
  • J. Hecht: Laser Pioneers. Academic Press, 1991.
  • N. Taylor: Laser: The Inventor, the Nobel Laureate, and the Thirty-Year Patent War. Citadel, 2003.
  • Frances Townes: Misadventures of a Scientist's Wife. Regent Press, 2007.

Girêdanên derve[biguherîne]