Emin Çölaşan

Ji Wîkîpediya, ensîklopediya azad.
Here cem: navîgasyon, lêgerîn
Emin Çölaşan

Mustafa Emin Çölaşan (* 14'ê adarê 1942 li Enqereyê), rojnamevan û nivîskarekî navdar ê romî (tirk) ye.

Bi çavên Naziyan li kurdan dinêrî[biguherîne]

Hez ji kurdan nake, tevlî şerê psîkolojîk ê li dijî kurdan tê meşandin bûye. Di salên 1990'î de bi babirokên artêşa romê li Kurdistanê digeriya, meytên pêşmergeyan nîşan dida, nûçeyên nerast belav dikir. Tê îdîakirin ku têkiliyên wî bi devedorên dewleta veşarî ya Romê re heye, alîkarî didaye Ergenekonê. Xwedî nêrînên kemalîst, mîlîtarîst, netewperwer e. Di meseleya kurd de, nêrîna wî nîjadperest e. Gelek caran dijûn, tajang li mezinên kurdan dikir.

Jiyan[biguherîne]

Bi eslê xwe ne tirk e. Bav-kalên wî ji aliyê osmanîyan ve hatine devşîrmekirin. Eslê bavê wî ji erebên ku osmaniyan anîne li giravên Yewnanistanê bicihkirine ye. eslê diya wî jî ji yewnanan e. Carekê keyê osmanî Evdilhemîd II bavê bapîrê wî sirgûnê çolterên Lîbyayê. Dibêjin paşnava wî jî ji wir tê (çölaşan tê wateya kesê ji çolteran hatiye, vegeriya, ji ser çolan re hatiye). Bapîrê wî wezîrtiya komarê kiriye.

Li Enqereyê dibistana amadeyî bidawî kiriye, li zenîngeha teknîkê ya bi navê Ortadoguyê (ODTÜ) de perwerdeya zanînên gerînendetiyê dîtiye. Di gelek wezaretiyan û saziyên dewletê de xebitiye. Sala 1977'ê ketiye rojnameya Milliyetê, heya 1985'ê li vir xebitiye. 1985 heya 2007'ê di rojnameya Hürriyetê de nivîsiye.

Ji sala 2009'ê ve di rojnameya Sözcü de sernivîskariyê dike.