Gogana Jorîn

Gogana Jorîn Yukarı Göklü
Kargêrî
Welat	Bakurê Kurdistanê
Dûgel	Tirkiye
Parêzgeh	Riha
Navçe	Xelfetî
Binebeş
Şaredar	Bazo Yılmaz (DTP)
Demografî
Gelhe (2009)	5.951 kes
Erdnîgarî
Koordînat	37°20′17″Bk 37°59′25″Rh
Bilindayî	600 m
Koda postayê	63950
Koda telefonê	(+90) 414
Gogana Jorîn Gogana Jorîn (Tirkiye)

Gogana Jorîn yan jî Gogana Mezin (1928: بویوك كوكلی (Buyuk Kuklî), bi tirkî: Yukari Göklü) yek ji bajarokên Xelfêtiyê ye. Saredarê bajarokê Bazo Yilmaz e.

Erdnîgarî

Gogana Jorîn a ku di navceya Xelfêtiyê radiweste û girêdayê parêzgeha Rihayê ye, ji Dîlokê re nêztir e. Dûrayiya xwe ji Xelfetiyê 30 km 30 km, ji Bêrecûgê 45 km, ji Rihayê 130 km û ji Dîlokê 100 km ye. Nifûsa Gogana Jorîn ji ya bajarê Xelfetiyê meztir e û lewmane xwediyê nifusa herî mezin a navcê ye. 32 gund û mezra lê girêdayê ne. Ji ber vê yekê aboriya bajarokê li herêmê xort ê.

Wekî din Rezên mezin ên bajarokê hene û bi giranî darên fisdiqê tê de candî ne.

Cîranên bajarokê ev in:

• Gundê Erihê
• Gundê Amara
• Gundê Bazûr
• Gundê Dêrto
• Gundê Eftarê
• Gundê Gogana Jêrîn
• Gundê Xox

Dîrok

Navên bajarokê yên berê

Navên saredarê yên berê wihanî ne:

• Tecel Milk
• Tac Miro
• Gogan

Gundê berê yê bi navê Tecel Milk (ku tê maneya "erda berdar") îro di mehellê Tepê radiweste û weke bogireke/gireke hatiye avakirine, lê naye zanîn kîcax hatiye avakirin.

Nava Tac Miro bi Kurdî ye û tê maneya taca ketî/mirî. Tê gotin ku ev nav qasta erda ku bêber bûye dike. Weke destpêka dema hişkayî tê bibîranîn. Ewan agahî ji aliyê Gulê Sêxê sed salî di sala 1960an de hatine gotin.

Dema ku di Anatolyê de koçên mezin destpê dikin, esîrê Gogan di vê herêmê de xwe cih dike û navê herême vediguherîne Goganê.

Navê gund ji aliyê dewleta Tirk ve tê guhertin û dibe Göklü. Ji ber ku du gundên bi navê Gogan hene, yek ji wan dibe Yukari Göklü û yê din jî dibe Asagi Göklü.