Gustáv Husák

Ji Wîkîpediya, ensîklopediya azad.
Here cem: navîgasyon, lêgerîn
Gustáv Husák (di nîvî de) di dema ziyaretkirina Almanyaya Rojhilat de

Gustáv Husák (z. 10'ê rêbendanê, 1913 – m. 18'ê sermawezê, 1991) siyasetmedarekî slovak e ku serokdewletiya Çekoslovakyayê kiriye û demekî dirêj (1969–1987) weke serokê Partiya Komunîst a Çekoslovakyayê xebitiye.

Gustav li Dúbravka ji dayîk bûye ku ew navçe wê demê di bin serweriya keyaniya Awistriya-Macaristanê de bû. Di temenê biçûk de tevlî xebatên komunîstan dibe. Di dema şerê cîhanê yê duyem de ji sedema tevlîbûna nav tevgera komunîstan, ew tê zîndanîkirin. Piştî şer, ew di partiyên komunîst ên çek û slovak de xebatan dike. Lê di sala 1956'an de, ji aliyê alîgirên Stalîn ve bi hînceta ew neteweperestê burjuvayê ye, tê dadgehkirin û wî dikine girtîgehê de. Piştî şeş salan ji hepsê diderkeve.

Di sala 1968'an de dibe alîkarê serokwezîrê hikûmeta Alexander Dubček. Di dema wan de bi piştgiriya hikûmeta wî YKSS, Çekoslovakyayê dagir dike.

Di 29'ê gulana 1975'an de dibe serokdewlet û heta îstifa ya xwe (10'ê berfanbarê, 1989) li ser vî postî dimîne.

Husák di 75 saliya xwe de li Bratislavayê diçe ser dilovaniya xwe.