Henry Way Kendall

Ji Wîkîpediya, ensîklopediya azad.
Here cem: navîgasyon, lêgerîn
Henry W. Kendall

Henry Way Kendall (* 9'ê berfanbarê 1926 li Boston; † 15'ê reşemiyê 1999 li Wakulla Springs State Park, Florida) fizîknasekî ji DYAyê bû ku guncavê Xelata Nobel a fîzîkê hatiye dîtin.

Kendall li Deerfield Academy û Amherst College dixwîne û sala 1950 dîploma matematîkê digire. Dûv re ew perwerdeya fîzîkê dibîne li Massachusetts Institute of Technology. Li wir sala payeya doktoriyê werdigire.

Berê li ser pozîtronyum xebatan dike. Bi ketina koma Robert Hofstadter a li Stanford University û li wir li SLAC xebatê ve, ew jî bala xwe dide cîhana elektron û protonan. Ew di lêkolînên xwe yên li ser fîzîka energiyên mezin de, bi tevî hevalên xwe yên paşê bi hev re Xelata Nobel a fîzîkê werdigirin, Jerome I. Friedman û Richard E. Taylor re dixebite.

Xebatên vê komê bandorek mezin li ser teoriyên qûarkan dike ku ew jî riya naskirina cîhana Hadron, Nûkleon û bi giştî fîzîka dendikî hêsantir dikin.

Kendall sala 1990 bi tevî Jerome I. Friedman û Richard E. Taylor Xelata Nobelê parve dike.

Sala 1989 Panofsky-Xelatê digire.

Kendall hevdamezirenêrê û bi salan jî serokê Union of Concerned Scientists. bû. Herwiha endamê JASON Defense Advisory Group jî. Kendall ji fotograf û sporta çiyageriyê hez dikir. Ew di ceribandinek noqbûna avê de bi giran birîndar dibe li Florida û jiyana xwe jidest dide.