Keftar

Keftar
	; Keftar (Hyaena hyaena)
Dabeşandina zanistî
Cîhan:	Animalia;
Filûm:	Chordata;
Çîn:	Mammalia;
Kom:	Carnivora;
Binekom:	Feliformia;
Famîle:	Hyaenidae; Gray, 1821
Cinsên keftaran
	Crocuta; Hyaena; Proteles;
Hevwate
	Protelidae Flower, 1869;

Keftar an kefter an kemtiyar an jî heftyar, carina jê re gornebaş jî dibêjin, ajalekî kovî yê famîleya keftaran e. Ajelekî kelax û goştxur e. Li Kurdistanê li deşt û çiyayên nizm dijîn; li çolên Erebistanê, Afrîka û Asyayê jî dihên dîtin. Di kulên kûr nav kevran û bin kevran dijîn.

[biguherîne] Fîziyolojiya keftaran

Tevî ku keftar ji aliyê fîziyolojiyê ve çend rûdem in ku mîna famîleya kuçikan wek gur, kûçik, rûvî, hwd., xuya dikin, lê famîleyeke serbixwe çêdikin: ji famîleya Herpestidae wek mangûst nêzîktir in.

Keftar xwedî lem û diranên tewr xort û tûj e, di şaneşîna ajalan de ku dikane zor goştê biçirîne. Keftar li gorî dîtina zanistan, weke meymûnan di nav caneweran ji aliyê awayê nêçîriya xwe ve gelekî jîr e.

[biguherîne] Keftarên Kurdistanê

Keftarê xêzxêzok ku li Kurdistanê dihê dîtin wek kûçikekî mezin e. Milên wî bilindtir in ji paşiya wî û ji ber wê çendê xar û xar diçe. Tenê digere, revde çênake û şevger e. Keftar pêz nakuje, kelaxxur e û gelek caran li cihên çopê xwarina xwe peyda dike.

[biguherîne] Cureyên keftaran

Keftarê deqdeqî (Crocuta crocuta)
Keftarê qehweyî (Parahyaena brunnea)
Keftarê xêzxêzok (Hyaena hyaena), keraxan dixwe, carinan li cihên çopê dihê dîtin.
Gurê erdê an aardwolf (Proteles cristatus)

Keftarê deqdeqî (Crocuta crocuta) li Afrîkayê dijî.
Keftarê qehweyî (Parahyaena brunnea) li Afrîkaya başûr dihê dîtin.
Keftarê xêzxêzok (Hyaena hyaena), bi tenê ev keftar li Kurdistanê dihê dîtin.
Gurê erdê an aardwolf (Proteles cristatus), li Afrîkaya başûr û rojhilatê dihê dîtin.