Kovara W

Ji Wîkîpediya, ensîklopediya azad.
Here cem: navîgasyon, lêgerîn

Kovara W kovareke çandî, hunerî, wêjeyî û rexnegirî ye.

Ji sedema ku kovareke çandî, hunerî, wêjeyî û rexnegirî li bakurê Kurdistanê weşaneke bi rêk û pêk nake, komek nivîskarên ku li Amedê û bajarên dora wê rûdinin dest bi xebateke hevkarî kirin û di meha Gelawêja 2004'an de biryara derxistina Kovara W girt. Di amadekirina kovarê de 11 nivîskaran cih girtin. Navê wan 11 nivîskaran ev in: Ayhan Meretowar, Dilawer Zeraq, Hîlmî Akyol , Îrfan Amîda, Lal Laleş, Mem Bawer, Mem Mîrxan, Merdan Newayî, Rêzan Tovjîn, Serkeft Botan , Sîdar Jîr. Nivîskaran xwedîtiya kovarê li ser navê Rojîn Zarg çêkirin û edîtoriya kovarê jî dan Dilawer Zeraq û Sîdar Jîr. Lê di dûmahîkê de Edîtoriya kovarê ji aliyê Dilawer Zeraq ve hate kirin. Piştî hejmara sêyemîn niviskar Çiya Mazî û helbestvan Berken Bereh jî beşdarî nav vê komê bûn û hejmara lijneya weşanê derket 13'an.

Hejmara yekem a kovarê (Rezber-Kewçêr) di serê meha rezbera 2004'an de derket. Di hejmara yekem de şanenava 22 nivîskaran di kovarê de cih girt. Ji ber ku yekemîn car li bakurê Kurdistanê bi înisiyatîfa nivîskarên kurd kovareke wêjeyî, çandî, nirxandinû û aktuel derket, hejmara yekem ji alî xwendevanên kurdî ve bi coşî hate pêşwazîkirin û germahiyek di warê wêjekariyê de ava kir. Kovar di aliyê rexne-nirxandinê ve jî teşeyekî nû da kovargeriya kurdî.

Kovar piştî hejmara 13'an ji aliyê nivîskaran ve radestî Enstîtuya Kurdî ya Amedê bû. Enstîtuyê di meha gulana 2007'an de hejmara 14'mîn derxist û weşana kovarê ji hejmara 14'mîn û pê ve ji aliyê Enstîtuyê ve hate birêvebirin. Enstîtuya Kurdî ya Amedê di naverok û beşên kovarê de dewlemendiyek çêkir û hejmara nivîskarên kovarê berfirehtir kir. Her wisa Hejmara 13'mîn ku wekî hejmara demsalî ya zivistana 2006-2006'an derket, lê Enstîtuyê ji hejmara 13'mîn û pê ve kovar careke din bi rengê dumehane derxist.

Piştî ku Enstîtuya Kurdî ya Amedê kovar wergirt, xwediyê kovarê bû Semra Ozbey û Edîtorê Weşanê jî bû Azad Zal û Enîse Şîrîn.

Hejmarên Kovarê[biguherîne]

  • Hejmara 1'em Rezber-Kewçêr 2004
  • Hejmara 2'em Sermawez-Berfanbar 2004
  • Hejmara 3'em Rêbendan-Reşemî 2005
  • Hejmara 4'em Adar-Avrêl 2005
  • Hejmara 5'em Gulan-Pûşper 2005
  • Hejmara 6'em Tîrmeh-Gelawêj 2005
  • Hejmara 7'an Rezber-Kewçêr 2005
  • Hejmara 8'an Sermawez-Berfanbar 2005
  • Hejmara 9'an Rêbendan-Reşemîn 2006
  • Hejmara 10'an Adar-Avrêl 2006
  • Hejmara 11'an Gulan-Pûşper 2006
  • Hejmara 12'an Tîrmeh-Gelawêj 2006
  • Hejmara 13'an Zivistan 2006-2007
  • Hejmara 14'an Gulan-Pûşper 2007
  • Hejmara 15'an Tîrmeh-Gelawêj 2007
  • Hejmara 16'an Rezber-Kewçêr 2007
  • Hejmara 17'an Sermawez-Berfanbar 2007
  • Hejmara 18'an Reşemî-Rêbendan 2008
  • Hejmara 19'an Adar - Avrêl 2008
  • Hejmara 20'an Gulan - Pûşper 2008
  • Hejmara 21'an Tîrmeh - Gelawêj 2008
  • Hejmara 22'an Rezber - Kewçêr 2008
  • Hejmara 23'an Sermawez - Berfanbar 2008
  • Hejmara 24'an Rêbendan - Reşemî 2009
  • Hejmara 25'an Adar - Avrêl 2009
  • Hejmara 26'an Gulan - Pûşper 2009
  • Hejmara 27'an Tîrmeh - Gelawêj 2009
  • Hejmara 28'an Rezber - Kewçêr 2009

Girêdanên Derve[biguherîne]