Kremlîn

Ji Wîkîpediya, ensîklopediya azad.
Here cem: navîgasyon, lêgerîn
Kremlîna Moskowê ji esmên
Kremlîna Moskowê
Dîmenek ji Kremlînê

Kremlîn (bi rûsî: Кремль, Kreml ya ku tê wateya "kelh", "birc", "qesr") li Rûsyayê ji bo navenda bajarên kevin, yên di nava kelhê de ne tê gotin. Kremlîna herî navdar jî ya Moskowê ye.

Kesra Kremlîn ya Moskowê, berî şoreşê cihê Çarên Rûsyayê bû. Bilindayiya wî ji çemê Moskowê 40 m ye li ser 28 hektaran hatiye avakirin, bircên ku qesrê dorpêç dikin 2 km ye û bilindahiya wan 20 m ye. Bi slavî krem tê wateya qesra ji kevirên xîç hatî avakirin [çavkanî pêwîst e]. Avayiya herî kevin ya Kremlîna Moskowê Dêra Spas na Boru ye.

Dîrok[biguherîne]

Di sedsala 15'an de avahiyek bi tarzê mîmariya îtalyan qesreke nû hate avakirin. Di sala 1487'de qesra Beklemişhev, di 1490'de qesra Borovitskaya, deriyên Ezîz Nîkola û Ezîz Flor jî lê hatin zêdekirin. Di dema Îvanê seyem de çend katedralên din jî lê hatin zêdekirin. Avahiyên olî bi awayê bîzansî hatine avakirin û yên din jî di bin bandora mîmariya îtalî de mane.

Piştî 1527 guhartinên herî girîng, ji aliyê endezyarên alman, îngilîz û holandî ve hatine kirin. Çana herî mezin ya dinyayê Çana Çar Kolokol ku giraniya wê 218 ton e li Kremlîna Moskowê ye. Îro Kremlîn semboleke Rûsyayê ye.