Kursîpalek

Kursîpalek, kursiyên mezin, paldank, palgehên mezin mobîlyayeke sereke ya malan e. Him ji bo rûniştandinê, him jî paldan, ponijîn, raketin, veketin û vezelînê ne.

Bi bandora pişavtina kurdî niha li Bakurê Kurdistanê qoltix dibêjin ku ev ji romî (tirkî) derbas bûye.

Cureyên kursîpalekê[biguhêre | çavkaniyê biguhêre]

Kursîpalek, kursiya mezin a bo yek kesê û navê giştî yê paldankên dişibin kursiyê ye.
Paldank, kursîpaleka mezin a bo du-sê kesan (an zêdetir) e. Hin ji wan vedibin û bo xewê tên amadekirin, ji wan re paldankên dibin nivîn tê gotin.
Paldankên dibin nivîn. Li Bakurê Kurdistanê bi tesîra romî (tirkî) jê re çekyat dibêjin.

Dîroka kursîpalekan ne pirr kevn e, lewra berê terişandina daran dijwan û biha bû. Tenê key, mîr û dewlemendan dîwanên xwe bi kursîpalekan dixemilandin. Bi pêşketina teknîkê ve niha di pirraniya malan de hene.

Ji Ewropayê bêhtir, asyayî bikartînin. Lewra ewropayî ji xemlê û rehetiyê bêhtir bala xwe didin praktîkî, hijyen û erzaniyê. Bi rastî jî pakijxwedîkirina kursîpalekan dijwar e, dem û kedê divê.