Kutilka îsotê

Ji Wîkîpediya, ensîklopediya azad.
Here cem: navîgasyon, lêgerîn
Kutilka îsotê

Kutilka îsotê, dolmeha îsotê ji cureyên kutilkan (dolmehan) e û di pêjgeha kurd de cihê wê girîng e. Ji îsotê hêşîn û glover ên kutilkan tên çêkirin.

Gelek cureyên wê hene. Helbet hemî jî ji îsotê ne lê li ser daxwazê, berkelî (melzeme) dikare bê guhertin. Li tevahiya herêmên Kurdistanê tê xwarin.

Hin cureyên dolmeha îsotê yên navdar[biguherîne]

  • Kutilka îsotê ya bi zeytê
  • Kutilka îsotê ya bi mergeyê (ava bacanê sor)
  • Kutilka îsotê ya bi rizê (birinc)
  • Kutilka îsotê ya Gurgumê (bi savar an rizê, bêî goşt an kêm goşt)
  • Kutilka îsotê ya Serhedê (goşt, biharat û riz an savar)

Dolmeha îsotê ya Serhedê, berkelî[biguherîne]

  • 1 kg îsota glover a dolmehê
  • 8 serî pîvaz
  • 2 stekan (qedeh) riz (birinc)
  • 1 kevçî merge
  • 1 stekan rûnê zeytê
  • 1 lîmon
  • 1 kevçî fistiqên çaman
  • 1 kevçî mewij
  • Îsota sor
  • Îsota reş
  • Xwê
  • Reşke (kemyon)
  • Li ser daxwazê biharbêhnên din, bo mînak pûjan

Çêkirin[biguherîne]

  1. Pîvazê ziravane hûr bikin. Têxin quşxaneyê û heya zerayî pê ket biqijilînin.
  2. Rûnê zeytê û rizê tevlî bikin, 1-2 deqe biqelînin.
  3. Bexdenûs, hêlizê hûr bikin, bi tevî xwê, hinekê şekir (ne mecbûrî ye), îsota sor û reş, reşkeyê (kemyon) tevlî bikin. Fringiyên hûrkirî û mergeyê hinekê biqijilînin û wê jî berdinê.
  4. Dendikên îsotan derînin, ew têkela we amadekiribû bînin û bi wan dolmehên xwe dagirin.
  5. Kutilkên xwe di quşxaneyê de rêz bikin, 2 stekan avê berdin serê, di agirê nizm (kêmagir) de bikelînin.
  6. Dema keliyan ava bi lîmonê berdin serê.

Bînin ser destexaneyê (sifreyê) û êdî dikare bê servîskirin.