Murad Canşad

Ji Wîkîpediya, ensîklopediya azad.

Murad Canşad 1974 de mezraya Derwêşan a dewa Gendan a Pulurê (Ovacık) Dêrsimî de ameyo dinya. Domantiya ey dewe de vîyarte. Wendişo verên û mîyanên Pilemorîye de mektebê pansîyonî (yatılı okul) de wend (1981-1989). Dima ra Xarpêt de lîse wend (1990-1993). Serra 1993 de “İstanbul Üniversitesi Siyasal Bilgiler Fakültesi” de dest bi wendişê unîversîte kerd. Wexto ke unîversîte wendêne mîyanê rêxistîna sîyasî ya îlagel a bi nameyê Yewiya Ciwananê Kurdistanî de xebitiya. 1995 de ame tepîştiş. Badê ke des serî mehkeme bi, peynî de cezaya muebedî girewte. Nika hepisxaneyê Edîrne de maneno û teber a “Anadolu Üniversitesi Açık Öğretim Fakültesi” de wendişê xo yê unîversîte dewam keno.

Murad Canşadî hepisxane de dest bi nuştişî kerd. Hetanî nika gelek hîkayeyê ey kovara Vate de weşanîyayê. Kitabê ey ê hîkayeyan Xafilbela 2008 de Weşanxaneyê Vateyî ra ginayo çape ro.

Çavkanî[biguhêre | çavkaniyê biguhêre]

  • Murad Canşad, Xafilbela, Weşanxaneyê Vateyî, Îstanbul 2008, 85 rîpelî