Obsesyon

Obsesyon, di ramanan de kilîtbûn e. Him di spîrîtûalîzm, him jî di derûnînasiyê de tê bikaranîn.

Peyva obsesyonê tê wateya kilîtbûn, cemidandin, matmayî bûn. Bi pirranî di derûnînasiyê (psîkolojî) de tê bikaranîn. Nexweş nikare fikr, bîranîn, dîmen an ramanekî ku ew dîl girtiye ji mejiyê xwe derîne. Bo mînak mirov dikeve wê fikrê ku yek li pey mirov e û armanca wê xirabî ye.

An bûyereke nebaş piştî çendîn salan hêj di mejiyê mirov de zindî ye. An mirov him dixwaze derkeve derve û him jî naxwaze, herdu daxwaz jî sedî sed di giraniyekê de ne û mirov li cihê xwe dimîne, nikara bilive.