Will Durant

Ji Wîkîpediya, ensîklopediya azad.
Here cem: navîgasyon, lêgerîn

William James Durant (5'ê Çirya Paşîn 1885- 7'ê Çirya Paşîn 1981) feylesof, dîrokzan û nivîskarê Emrîkayî ko digel jina xwe Ariel Durant bi nivîsîna kitêba navdara Serhata Bajêrwariyê (The Story of Civilization) berniyas e.

Wî ji bo giştîkirina ramanên felsefeyê bo nav xelkî bizavkir û yek ji wan kesan bû ko ji bo mafên jinan gelek xebitî.

Jînenîgar û Berhem[biguherîne]

Will li Adamsa Bakur li wîlayeta Masaçusêtê ji daybabên bi koka xwe Fransî-Kenedayî hat dinyay. Daybabên wî (Joseph Durant û Mary Allard) ji wan Kobekiyan bûn ko ber bi Welatên Yekbîyî yên Emrîkayê mişext bûbûn.

Li 1990'ê ew ji alî yê Yesûyîan (Jesuists) li Akademî ya Saynt Pîterî û paştir jî li sala 1905'ê li Zankoma Saynt Pîterî li bajêrê Cersî li Nû Cersî hat perwerdekirin. Ew bû sosyalîst û li sala 1907'ê xwîndina xwe dawî kir. Wî wekî peyamhinêr ji bo New York Evening Journalê ya Arthur Brisbaneî kar kir. Wî heftiyê deh dolar distandin. Wî di wê rojnameyê da gelek salix li ser tawankarên guhnêlê (sexual criminals) nivîsîn.

Li sala 1907'ê, wî heyamekê jî li Zanîngeha Seton Hall li Nû Cersî dersa fîzîk, latîn, Inglîzî û endazeyê dida. Her di wê demê da ew karmendekê kitêbxaneya zanîngehê jî bû.