Yehowa

Ji Wîkîpediya, ensîklopediya azad.
(Ji Yahowa hate beralîkirin)
Here cem: navîgasyon, lêgerîn
YHWH “יהוה”

YHWH an jî Yehowa di Peymana Kevin û giştî Pirtûka Pîrozê de YHWH navê Xwedê yê yekta ye[çavkanî pêwîst e]. Bi îbranî weha tê nivîsandin: “יהוה”

Li gor Peymana Kevin, YHWH navê Xwedê yê taybetî ye û Xwedê bi xwe ev nav li xwe kiriye.

Tirsa Xwedê nahêle ku Cihû navê YHWH lêv bikin, loma em qenc nizanin ew çawa tê gotin. Li gor wergerên kevin dengê vî peyvî "Yahwe" ye; ji dêla vî navî Cihû her gav dibêjin "ADONAY", yanî "Xudan". Ji dêla YHWH de di gelek wergerên Kitêba Pîroz "XUDAN" (bi herfên mezin) tê nivîsandin, da ku mirov bi vê yekê bizane.

Hin mirovên ku bi vê adeta Cihûyan nizanibûn, dengdarên peyva ADONAY bi herfên YHWH kirin yek û bi vî awayî peyva "YaHoWaH" derket, lê ji xwe ew peyv di zimanê Îbranî de tune. Dîsa jî mesele şahîdên Yahowa Yahowa heta îro jî bi kar tînin

YHWH afirandar e û ew bi heq serwerê gerdûnê ye. Wate û maneya van çar herfan ev e: “Ew dibe sedema bûyînê.” Ev nav di Pirtûka Pîroz, di nivîsarên resen û orîjînal de nêzîkî 7,000 caran hatiye nivîsandin û vê gotinê bi zelalî eşkere dike. Bo mînak di kitêba Îşaya, beşa 42 ayeta 8 de wusa dibêje: “Ez XUDAN [YHWH] im, navê min ew e û ezê rûmeta xwe nedim yekî din û pesnê xwe nedim pûtên qewartî.”[çavkanî pêwîst e]

Mînakek din jî ev e: “Û dîsa Xwedê ji Mûsa re got: Tuyê ji lawê Îsraêl re wusa bibêjî: XUDAN [YHWH] yê ku Xwedayê bapîrên we, Xwedayê Brahîm, Xwedayê Îshaq, Xwedayê Aqûb e, min ji we re şandiye; her û her navê min ev e.” (Derketin beşa 3 ayeta 15an)

Çavkanî[biguherîne]

Şablon:Pages with no Item