Ziryab

Ji Wîkîpediya, ensîklopediya azad.
Here cem: navîgasyon, lêgerîn
Ziryab
Navê rastî Abu'l Hesen 'Elî ibn Nafî
Roja jidayikbûnê 789
Mûsil
Roja mirinê 857
Endulus
Karûbar Helbestvan, stranbêj û hunermend
Enstrumanên wî/wê Flamenko

Ziryab an jî Abu'l Hesen 'Elî ibn Nafî (z. 789, Mûsil – m. 857, Endulus), zanyar, astronom, stranbêj û hunermend bû. Li gorî çavkaniyan ew bi eslê xwe kurd[çavkanî pêwîst e].

Ziryab xwendekarê Isheq Mûsiliyê kurê Brahîm Mûsilî bû. Piştî ku jêhatîbûna wî di muzîkê de ji ya mamosteyê wî buhurî, neçar ma ji Bexdayê veqete.

Wî jî berê xwe da başûrê Spanyayê Kordobayê. Li wir melîkê mîrîtiya Emewiyan a li Spanyayê Evdirrehmanê II. Ew girte cem xwe. Bi vî awayî jîrbûna muzîkjenên kurd bi Ziryab dewam kir û tesîreke mezin li muzîka Spanyayê kir.

Ziryab têla 5an li ûdê zêde kir û yekem car bi pirtikekî êlo li ûdê da. Wî tesîreke mezin li muzîka spanî kir û weke damezrênerê kevneşopiya muzîka Endulusî tê nasîn.

Evdirrehmanê II azadiyeke mezin dabû Ziryab û Ziryab bi vê azadiyê dibistaneke muzîkê saz kir.

Ziryab her weha tar û sêtar jî anîn Spanyayê û ev amûr paşê veguherî gîtara Spanyayê. Muzîk û reqsên Kurdistan û Rojhilata Navîn paşê bi tekiliya muzîk û reqsên qereçiyan veguherî flamenkoya spanî.

Li gorî gelek çavkaniyan Ziryab bandora xwe her weha li mode, xwarin û mîmariya Spanya û Ewrûpayê jî kiriye.

Ziryab di sala 857an de çavê xwe li dinyayê miç dike.

Çavkanî[biguherîne]

http://www.fravahr.org/spip.php?article118