Agit Kabayel

Agit Kabayel

Jidayikbûn	23ê îlona 1992an Leverkusen
Pîşe	Kulmbaz
Werziş	Boxing (en)
Dîsîplîna werzişê	Heavyweight (en)

Agit Kabayel (jdb. 23ê rezberê 1992 li Leverkusen, Almanya) boksorekî profesyonel ê alman e ku bi eslê xwe kurd e. Ew Şampiyonê pola giran a Ewropayê (EBU) ye, di vê pola giraniyê de li gorî WBC di rêza 3emîn de ye û li gorî Kovara Ring di nav pêşbazên sernavên cîhanê de di rêza 10emîn de ye.

Kurtejiyan

Malbata Agît Kabayel kurdên Bazarcixê ne. Wî dibistana navîn xwend û perwerdehiya çêkirina rêyên hesînî dît, lê ji ber pabendbûna xwe ya werzîşê di vî karî de nexebitî. Ew pismamê rapper KC Rebell e. Bavê wî karê dirûtina hesînsn dikir û paşê xwaringehekê vekir. Kabayel bi malbata xwe re li Bochum-Wattenscheidê dijî, li cihê ku ew mezin bûye. Kabayel bi Tyson Fury, Anthony Joshua, Kubrat Pulev û Robert Helenius re hevkariya sparringê kir.

Destpêka werzîşî

Agît Kabayel beriya ku bi rêya kickboxingê were boksê, di ciwaniya xwe de futbol dilîst. Wî di 18 saliya xwe de di 23ê hizêrana 2011ê de li Wuppertal destpêka xwe ya profesyonel kir. Piştî neh serkeftinan li pey hev, wî di 22ê adara 2014an de li Tekirdağ, Tirkiyê sernavê şampiyoniya WBC ya Deryaya Navîn li hember Gbenga Oluokun bi dest xist. Piştî du serketinên li hember Shalva Jomardashvili û Lawrence Tauasa, wî Christian Lewandowski bi knockkoutê (KO) têk bir û sernavê EBU yê Ewropayê bi dest xist.

Serkeftinên wî

Şampiyoniya ewropayî

Agît Kabayel di 4ê sibata 2017an de li Magdeburgê bi biryareke yekdengî Hervé Hubeaux yê belçîkî têk bir, û bi vî awayî bû şampiyonê pola giran a Ewropayê ya EBU.

Di 4ê mijdara 2017ê de, Kabayel bi biryara piraniya dadweran şampiyoniya xwe ya ewropî li hember Dereck Chisora ​​parast. Ev têkoşîna diwanzdeh doran li Monte-Carlo pêk hat. Wî di 21ê avrêlê 2018an de li Berlîn-Neukölln li hember Miljan Rovčaninê serb bi knockoutê (KO) di tûra sêyemîn de cara dûyemîn şampiyoniyê qezenc kir. Têkoşîna wî ya li dijî Chisora ​​di hezîrana 2018ê de wekî EBU Fight of Year 2017 (Têkoşîna Salê ya EBUyê 2017) hate hilbijartin.

Wî di 2ê adarê 2019an de li Magdeburgê li dijî Andriy Rudenko yê ûkraynayî, sêyemîn parastina şampiyoniya xwe ya EBU bi dest xist. Di îlona 2019an de, ew yekem alman bû ku bi weşana Dewletên Yekbûyî ESPN re ket peymanek promosyonê.

Şampiyoniyên WBA, WBC û NABOyê

Di 18ê tîrmeha 2020an de, wî şampiyoniya parzemînî ya WBAyê li gorî xalan li hember Evgenios Lazaridis ê yewnanî bi dest xist. Wî vê şampiyoniyê di dezîrana 2021an de li gorî xalan li dijî Kevin Johnson parast.

Di 4ê adarê 2023an de, Kabayel li Bochumê li hember Agron Smakici yê kroat di tûra sêyem de bi knockoutê (KO) bi ser ket, digel ku ew bixwe di tûra duyemîn de hatibû jimartin. Di encamê de, wî carek din sernavê şampiyoniya Ewropayê ya EBU bi dest xist.

Di 23ê kanûna pêşîna 2023 de, wî di tûra çaremîn de li hember Arslanbek Machmudowê rûs (18-0, 17 KO) bi rêya TKO ve bi ser ket û bi vî rengî şampiyoniya WBA Inter-Continental û ya NABF North American wergirt.

Di 18ê gulana 2024an de, wî di tûra heftemîn de Frank Sánchezê kûbayî (24-0, 17 KO) jî têk bir û bi vî rengî şampiyoniya WBC Continental America û NABO North America bi dest xist. Ew di heman demê de têkoşînek dawîn ji bo parastina WBC bû.