Şîr küey

Ji Wîkîpediya, ensîklopediya azad.
Jump to navigation Jump to search
Şîr küey

Şîr küey ya pûma canewer gewreyg e ki zûrim le küeyl xuarîn Kanada û Amrîkay Xuarîn jyey.

Şîr küey canewer gwandarîg e le xîzan pişî. Bîcge le wextîg minał e û ha lay dałigî baqî imrî we tenya jyey. Şîr küey hem xas tüenî wegerd dewrgird xuey dabay û hem îş xas tüenî le şew ya řûj şikar bikey. Pûma pay zûrdarîg dîrî ki hem eřa girdin şikar xas e û hemîş tüenî ta 6 mitir baz biwey.

Pûma canewer gûştxuerîg e bełam tenya eřa zinî menin canewereyl tir şikar key. Pûma zûrim canewereyl büçigîg cûr müş, mel, mahî û xerûşk xuey bełam eger bikefî e desî pespûłeylîg îş cûr kawiř û bizin şikar key. Puma eřa şikar kirdin xuey le naw dar û bincig şarîew û wextîg we şikaregey nizîkew bû peřîe kûłî û ya wegerd çepük milî şiknî ya qep keye milî û xinkinîdey.

Herçen puma xuey canewer şikarçîg e bełam eger wexatir nexueşî ya zexmî bîn bîhazew bû tüenî bû e şikar şikarçîeyl gewreyg cûr xirs û gurg ya tenanet pûmayl tirek. Î canewere dewrgird 12 sał jyey bełam biřîg le lîan ta 25 sał îş jyen.