Şîrbirinc

Gulol

Şîrbirinc, şîrizmok, şorbeşîrîn, şorbeşîr, gulol cure şîraniyek ji pêjgeha kurd û balkanî ye. Herwiha ereb, suryanî, romî (tirk) jî dixwin û li Ewropayê jî navdar e.

Gelek cureyên wê hene lê berkeliya wê ya sereke her şîr û riz (birinc) e.

Şîrbirinca Melediyê

Berkeliya wê:

• 1,5 stekan (qedeh) riz
• 1 kg şîrê sar
• 1 lt av
• 2 kevçî ardê (arvanê) rizê
• 2,5 kevçî şekirê hêrayî
• Darçîn (bi latînî: Cinnamomum)

Amadekirin

Riza xwe bişon û bi lîtreyek ava xwe bidin ser agir. Heya ava xwe kişand bikelînin. Şîr bedin ser, carek ducaran tevdin, bikelînin. Di tasekê de ardê birincê bi stekanek avê tevdin. Ji şîrê dikele bi qasî heskek bigirin berdin tasê. Ango divê ardê we yê birincê hinekê germ bibe. Tasa xwe berdin quşxaneyê bi tevdanê 10 deqe bikelînin.

Şekira hêrayî berdin keliya xwe û heya du car kef pê hat bikelînin. Di vê navberê de bêrawestan tevdin. Gulol êdî amade ye, berdin tasan û bînin ser destexaneyê (sifreyê). Helbet beriya xwarinê, darçînê pê werbikin.

Hin ji cureyên şîrizmokê / şorbeşîrê

• 
  Şîrbirinca Normandiyayê
• 
  Şîrbirinca skandînavî
• 
  Cureyek ji Portûgalê
• 
  Ji Malezyayê
• 
  Cure Şîrbirinca Melediyê û ya Anatoliyayê
• 
  Şîrbirinca katalanî

Girêdanên derve

•  Li Wikimedia Commons medyayên di warê Şîrbirinc de hene.