Şahînê Bekirê Soreklî

Ji Wîkîpediya, ensîklopediya azad.
Jump to navigation Jump to search

Şahînê Bekirê Soreklî nivîskar û rojnamevanek kurd e ku niha li Sydney, Awistralya dijî. Ew di sala 1946 an de li gundê Mezrê li devera Kobaniyê li welatê Sûrya (Kurdistana binxetê) hate dinê. Di sala 1968 ê li welatê Australya yê bi cih bû, û li Zanîngeha Maquireyê wane xwend. Ji sala 1978 vir de, li wezareta perwerdeya dewleta New South Wales (Walesa Başûrê Nû) dixebte. Di sala 1979 de, bû be serokê yekemîn rêkxistiya Kurd li Awistralya û ji bo şeş salan ew rêkxistiyê bi rêve bir. Di nav salên 1982-1983 an de, bernameyek radyoyî ya hefteyî bi zimanê kurdî li ser radyoya 2SER FM diweşand. Ji sala 1985 vir de, birêveberê pişka Kurdiya Radyo ya SBS (Servîsa Weşanên Taybet) ya Awistralya ye. Heta niha gelek Kurte çîrok, gotar û helbestên wî li rojname û govarên kurdî de hatine weşandin.

Jiyana wî ya Nivîskarî[biguherîne]

Nivîskariya Şahîn di salên 1970yan de li Sydney dest pê kir. Yekemîn nivîsar û gotarên wî bi zimanê înglizî bûn. Dû re çend berhemên bi E’rebî û Almanî jî nivîsandin. Dawiya salên 70yan rojname, kovar û pirtûkine bi zimanê kurdî ji Ewropayê gihîştin wî. Bi encama xwendina wan û bandora wêjeya almanî li wî, dil xwazt bi kurdî binivîsîne (wek ew dibêje), bi taybetî dema wî çîrokên ligor asta demê û zimanên din di nav yên Kurmancî de nedîtin, lê kêşeya li pêş ew bû ku wî bi zimanê makî perwerde nedîtibû wek her kurdekî; divabû xwe fêrî rêzimaniya Kurmancî bike. Şahîn çend berhemên gramera Kurmancî ji dostan bi dest xistin, yek ji wan ji hinek jimarên HAWARê pêk dihat, ji birêz Hemreş Reşo li Almanya. Şahîn xwe bi dirêjiya mehan, her ku fersend hebû, da ber xwefêrkirina rêzimaniya Kurmancî û xwendina berhemên di dest de hebûn. Zanibûna bi rêzimaniyên Înglizî, Almanî û E’rebî meraqa li rêzimaniya Kurmancî û rastnivîsê li nik wî zêdetir kir.

Berhemên wî yên destpêkê helbest, gotar û kurtechîrok bûn. Ji berhemên çîrokî wî di nav hefteyên dawîn yên sala 2018 de beşên ji naveroka 39an danîn ser malpera xwe ya Facebookê.

Berhemên wî[biguherîne]

  1. Mirina Xezalekê: 1981
  2. Rojek ji Jiyana Mistê kurê Salha Temo: 1982
  3. Kombûna Pêxemberan: 1983
  4. Kujtina Du Mirovên Belengaz: 1983
  5. Azadbûna M. K: 1984
  6. Hindiyên Sor: 1984
  7. Vegera malê: 1986
  8. Namûsa Êmo 1986 - Kurteroman
  9. Hîn Hebû Hêvî: 1987
  10. Henry Armstrong Chû Cengê: 1987
  11. ÇIVÎK JI SER DARAN KETIN
  12. Nedî û Danestan: 1988
  13. Rêwiyê Mirî: 1988
  14. Karl Federmann: 1990
  15. Payîz: 1992
  16. Kujtina Rojê: 1993
  17. Kûto: 1993
  18. John Hyde: 1994
  19. Firrîn: 1996
  20. Pisîk jî Xewnan Dibînin: 1996
  21. Xwekujtina Nameyekê: 1996
  22. Afrîkayê Ma Te Dît: 1997
  23. Rojîn: 1999
  24. Parsger: 1999
  25. Xweziya Ne Mirov bûma: 1999
  26. Shkeft: 2000
  27. Stemkarî û Hestên Tawanê: 2000
  28. Mebesta Chîrokê: 2002
  29. Bi Navê Xwedê: 2006
  30. Profesor û Rîhrengîn: 2007
  31. Hosteyê Koshka Hilweshiyayî: 2008
  32. Telefonkirineke Janafer: 2008
  33. Pîvaz : 2008
  34. Xizanî: 2008
  35. Xewnekê Bifroshe Min: 200?
  36. Zarok û Dar: 2013
  37. Pira Hilweshiyaî: 2015
  38. Ya Shamî û Rojên Demê: 2015
  39. Kobanî û Kalê bi ber Leheya Tofanê Ketî: 2017

Girêdanên derve[biguherîne]