Şaqaviyê gerdenmar

Şaqaviyê gerdenmar
	Şaqaviyê gerdenmar, li parka neteweyî ya Souss-Massayê, Maroko
Rewşa parastinê
	; Kêmtirîn metirsî (IUCN 2.3)
Dabeşandina zanistî
Cîhan:	Animalia
Filûm:	Chordata
Bir:	Aves
Kom:	Ciconiiformes
Famîle:	Ardeidae
Cins:	Ardea
Cure:	A. purpurea
Navê zanistî yê latînî
	Ardea purpurea; (Linnaeus, 1766)

Gerdenmarî an şaqaviyê gerdenmar^[1] (bi latînî: Ardea purpurea), cureyekî şaqaviyan e.

Şayes

Şaqaviyê gerdenmar 80 sentîmetreyan dirêj e. Ji rengê şaqavî biçûktir e. Pişt û çeng risasiyekî bi ser qehweyî ve ne. Kulovank û kofîk reş in. Sermil xemir, bi ser rengê mor ve ne. Sing qemer e û berzik reş e. Ser û gerden sorekî qemer in. Erzink û alek spî ve ne. Rav û gîxên reş û zirav li dirêjayiya gerdena wî ne. Pê keskekî bavzerî risasî ne û çav zer in û nikul risasiyekî bavzer e.

Belavbûn

Di navbera Rezberê û Avrêlê de bi rêbarî li Kurdistanê dihê dîtin. Li nîvek û başûrê Ewropa, Afrîkayê navîn, başûr, Tirkmenistan, Qefqaz, bakurê Îran û li Îraqê (li nişîv) têjikan tîne derê. Li peravên erebî bi rêbarî dihê dîtin.

Reftar

Hêlînkirin û parêzî

Bi granî li nava zilên avên şêrîn dijî û hêlîna xwe dîsa di nava van zilan de çêdike. Xwarina wî di serî de masî, beq, gumgumok, kêz, mişk, mar û hwd ne...

Çavkanî

^ Şahîn, Îsmaîl Taha (2005). Balindeyên Kurdistanê, 1. Dihok: Spîrêz. r. 8.

H. Heinzel, R. Fitter û J. Parslow (1995). Türkiye ve Avrupa'nin Kuşlari (Kuzey Afrika ve Orta dogu dahil). Türkiye Dogal Hayati Kuruma Dernegi, Stenbol. ISBN 975 94098 28

Girêdanên derve

Li Wikimedia Commons medyayên di warê Şaqaviyê gerdenmar de hene

Ev gotara kurt şitlekê ye. Heke tu bixwazî berfireh bikî pê li biguhêre bike. (Çawa?)

[1] Şahîn, Îsmaîl Taha (2005). Balindeyên Kurdistanê, 1. Dihok: Spîrêz. r. 8.

[1]