Deniz Baykal

Deniz Baykal (* 20'ê tîrmehê 1938, Antalya) ramyarekî Tirkiyê ye û serokatiya CHPê dike.

Sala 1959'î li Enqereyê zanîngeha dadnasiyê bidawîdike û ji bo perwerdeya bilind diçe DYAyê. Di salên 60'î de di nava refên tevgerên xwendevanan de dest bi polîtîkayê dike. Di hilbijartinên 14'ê kewçêrê 1973'î de wekî parlamenterê CHPê yê Antalyayê tê hilbijartin. Di nava CHPê de cihekê payebilind bidestdixe û têkiliyên wî bi Bülent Ecevit re xurt dibin. Du caran di hikûmetên Ecevit de dibe wezîr.

Piştî cûntaya leşkerî ya 1980'î bi qasî 5 salan nikare siyasetê bike. Dûv re li dijî serokê CHPê wê demê Erdal İnönü têkoşîna serokatiyê dike. Gorî nêrînên fermî ew kesekî bingeh-Qefqasî ye. Lê çend caran li hinde rojnameyan bingeh-Dersîmîbûna wî hate nivîsandin. Dîsa behsa endametiya wî ya hêzên tarî yên dewletê jî tê kirin.

Xwedî nêrîna îdeolojiya fermî ya Tirkiyê ye û di çarçaviya wê de siyaseta xwe dimeşîne.