Hozan Şemdîn

Hozan Şemdîn dengbêjekî kurd e ku di sala 1955an li Îdirê ji dayik bûye.

Jînenîgarî

Nivîskar Firaz Baran di pirtûka xwe ya bi navê Hunerkom de li ser jiyan û xebatên Şemdîn van agahiyan dide, ku Hozan Şemdîn ji sala 1972an û vir ve bi profesyonelî muzîkê çê dike. Di sala 1986an de li Lîbyayê berhema bi navê 'Dengê Karker' derxist. Di navbera salên 1988 û 2004an de sê berhem derxistin: Ala Rengîn, Ka Bûka Min û Desmala Govendê.

Şemdîn, di navbera salên 1988 û 2003an de di nava Koma Berxwedan de cih girt û di nava şeş berhemên Koma Berxwedan de stranên xwe gotin.

Li Med, Medya û Roj TVyê bernameyên bi navê “Şevbêrka Dengbêjan” û “Şevbêrk” amade û pêşkêş kir. Di bernameyên xwe de dengbêjên ji herêmên cûrbecûr ên Kurdistanê vexwend. Di vê bernameyê de bi sedan dengbêjên Kurdistanê kilam, şîn, stran û destanên xwe gotin. Bi vê yekê re xizmeteke mezin da çanda kurdan, ku ev çand bi dîtinbarî jî derket pêş. Stranên bi nav û deng ên wekî “Lê Amedê”, “Eva Dûnya” û “Dasmala Govendê” ya Hozan Şemdîn in."