Kanagawa Oki Nami Ura

Kanagawa Oki Nami Ura The Great Wave off Kanagawa
Woodblock print
Çêker	Hokusai
Dema avabûnê	1830s
Şêwe	Ukiyo-e, meisho-e û nishiki-e
Motîv	Çiyayê Fuji Tokyo Bay Oshiokuribune rogue wave Q66686028
Pêk tê ji	The Great Wave off Kanagawa (Tsunami by hokusai 19th century.jpg, Metropolitan Museum of Art) The Great Wave off Kanagawa (British Museum) The Great Wave off Kanagawa (Los Angeles County Museum of Art) The Great Wave Off the Coast of Kanagawa (Katsushika Hokusai - Thirty-Six Views of Mount Fuji- The Great Wave Off the Coast of Kanagawa - Google Art Project.jpg, Tokyo National Museum)
biguhêre - Wîkîdaneyê biguhêre

Kanagawa Oki Nami Ura (bi japonî: 神奈川沖浪裏, Kanagawa-oki Nami Ura, tê wateya "Di bin pêla ji Kanagawa de") an Pêla Mezin, çapek e, ku ji aliyê Hokusai hunermendê japonî yê şêweyê ukiyo-e ve hatiye çêkirin. Ew di dawiya sala 1831ê de di serdema Edo ya dîroka Japonê de hate afirandin. Di çapê de sê keştî hene, ku di nav deryayek bahozê de diherikin û bi pêlek mezin û xurt re digerin. Pêl di navenda çapê de li ser keştiyan spîralek çêdike û Çiyayê Fuji di paş de xuya ye.

Çap berhema Hokusai ya herî naskirî ye û ya yekem e di rêzeya wî ya "Sih û şeş Dîmenên Çiyayê Fuji" de. Di vê çapê de bikaranîna rengê şîna Prûsî şoreşek li çapên japonî kir. Kompozîsyona Pêla Mezin sentezek ji çapên kevneşopî yên japonî ye, û perspektîva grafîkî ya ku li Ewrûpayê hatî pêşve xistin bi kar tîne. Saya vê yekê Hokusai li Japon û paşê li Ewropayê jî serkeftinek mezin bidest xist. Hunera Hokusai paşê bû îlhamek ji împresyonîstên wê çaxê. Gelek muzexane li çaraliyê cîhanê xwedî kopiyên Pêla Mezin in û piraniya wan ji koleksiyonên taybet ên çapên japonî yên sedsala 19an hatine. Tê bawerkirin ku tenê nêzîkî 100 çap, di şert û mercên cihêreng de xwe gihandine sedsala 21ê.

Pêla Mezin ji Kanagawa tê texmîn kirin ku "di dîroka hemû hunerê de wêneya herî zêde hatiye hilberandin" e, û her weha di dîroka Japonê de wekî "berhema hunerî ya herî navdar" tê dîtin. Vê çapê bandor li gelek hunermend û muzîkjenên rojavayî kiriye, di nav de Claude Debussy, Vincent van Gogh û Claude Monet. Hevalên ciwan ên Hokusai, Hiroshige û Kuniyoshi îlhama xwe jê girtin û karên xwe yên pêla-navendî çêkirine.