Kendava Îzmîrê

Kendava Îzmîrê
Kendav kendav
38°29′Bk 26°49′Rh
Dewlet	Tirkiye
Li beşa îdarî	Îzmîr
Pêk tê ji	Gülbahçe Bay Çakalburnu Lagoon
biguhêre - Wîkîdaneyê biguhêre

Kendava Îzmîrê (tirkî: İzmir körfezi, yewnanî: Κόλπος της Σμύρνης, Kólpos tis Smírnis), kendaveke ku berê wekî kendava Smîrnayê dihate zanîn. Kendav li ser peravê Deryaya Egeyê ye ku kendav di navbera nîvgirava Karaburunê û navçeya Foçayê de ye ku dirêjahiya kendavê 64 kîlomêtre û firehiya kendavê 32 kîlomêtre ye. Bendera Îzmîrê li ser vê kendavê ye ku yek ji bênderên serekeyê li ser Deryaya Egeyê ye.

Erdnîgarî

Kendava Îzmîrê ji dûrahiya 13 mîlên deryayî di navbera pozikê Kanlikayayê ku li nîvgirava Karaburunê ye û pozikê Aslanê li navçeya Foçayê ye, dest pê dike. Kendav ji aliyê awayê ji sê beşan pêk hatiye. Beşa yekem ku wekê kendava hundirîn hatiye binavkirin, di navbera navçeyên Çiğli û Balçovayê de ye. Beşa duyem ku wekê kendava kevin hatiye binavkirin di navbera navçeyên Çiğli û Güzelbahçeyê de ye û beşa sêyem jî kendava derve ye ku li rojavayê van beşên kendavê dimîne.

Girava Uzunadayê girava herî mezin ê kendava Îzmîrê ye. Giravên din ên sereke yên li kendavê girava Hekim û girava Karantinayê ne. Giravên Çiçekê ku ji çar girav û ji du zinaran pêk tên, li perava navçeya Urlayê ne. Giravên li navçeya Foçayê ku li peravên Foçayê ne, ji neh girav û keviran pêk tên ku girava herî mezin girava Orakê ye. Girava Büyükadayê yek ji çend giravên ku li ser peravên nîvgirava Karaburunê ye.

Jeolojî

Kendava Îzmîrê di serdema jeolojîk a Kuaternarê de ava bûye. Geliyê kendavê ya ber bi rojhilat û rojava ve ji ber şikestina xetên şikestekê pêk hatiye. Di sala 2016an de çar xetên şikestinên nû li kendavê hatine dîtin.