Kirmashan

Ji Wîkîpediya, ensîklopediya azad.
Jump to navigation Jump to search

Kirmashan danéyg le share gewregani Íran ú megeni (merkezi) stani Kirmashan e. We bincíney sershimarí salli 2006 gelhey (jemíyeti) Kirmashan 784,602 kes bíye ke wey jure dibúde núwemín shari gewrey Íran.

Wisheret[biguherîne]

Nawi Kirmashan we ihtimali fire le nawi húzíg Sekayí wergirig e: "Kirme".

Dírok[biguherîne]

Sharege ú nawcegey Kirmashan díroki (taríxi) diríjhígí hese ú danéyg le qedímítirín shúnegani Asíya we hesaw díyed. Le diríjhay díroka Kirmashan du bar wíran bíye: yegíg le eser hérishi Tacigegan ú yegígísh le dumay hereshey Mogholegan we serkerdegí Holaku Xan. Hukumeti Kurdeli Zengene we ser Íran bí be hoy (sebebi) ewe ke Kirmashan dumay cend sall jeng lenaw Íran ú Usmaní rengi ashtí biwíníd ú derfetíg peyda bikeyd erra píshrefti duware.


Shíwey Zanistí ú Ferhengí[biguherîne]

zankoy Zanisteli Pizíshkí Kirmashan yegem zankoy rojhaway (gherbi) Íran ú yegem zankoy gisht shareli Kurdnishín dinya se.

Sínema Foruher yegem sínemay Kirmashan e ke le salli 1931a durus bíye.

Awúrí[biguherîne]

Awúrí (iqtisadi) Kirmashan híshda firetir we binícey werzérí ye. Stani Kirmashan asti (meqami) núwemi terxan (sadirat) kirdin le Íran hese. Herweha le terxan kirdin ray Eraq asti yegemí hese.

Palíwgay Nefti Kirmashan[biguherîne]

Palíwgay Nefti Kirmashan le salli 1922a durus bíye ú wey hall e ke palíwgaygi neftí ye welí túwanistige we 126 hezar métir cuwarek (múrebbe') naznawi (onwani) yegíg le sewztirín yeganeli deskirdmení (senetí) Íran we xuwey éxtisas beyd.

Merdimnasí[biguherîne]

merdimi Kirmashan Kurdin ú fireyan peyrewi díni Íslam, le her du shaxey Shíye ú Sunní. Hercend Shíyegan we surety dírokí (taríxí) jemíyetyan le Kirmashana firetir e. Girúhegísh peyrewi Ehli Heqin.

Zuwani merdimi Kirmashan Kurdí ye we zaraway Kurdí Xwarig. Kirmashaní, Kelhúrí, Gúraní, Lekí, Júwanrúyí, Kolyayí, ú Zengene le jhírzaraweyli Kurdí Xuwarigin ke le Kirmashana qise kirgin.

Díyaríyel[biguherîne]

Kak, nan birinjí ú nan xúrma le díyaríye xuwardemeníyegan Kirmashanin.

Shúnegani Díyení[biguherîne]

Taq Wostan ú Kifí Dalehú díyenítirín ú nawdartirín shúnegani Kirmashanin.