Murat Belge

Ji Wîkîpediya, ensîklopediya azad.
Jump to navigation Jump to search

Mehmet Murat Kadri Belge (* 16'ê adarê 1943, Enqere) nivîskar, werger, siyasetmedar, akademîker û rojnamevanekî romî (tirk) ye. Bi nêrînên xwe yên çepgir û lîberal tê naskirin.

Jiyan[biguherîne]

Kurê karsaz û parlamenterê Partiya Demokrat Burhan Belge, xwarziyê nivîskar Yakup Kadri Karaosmanoğlu ye. Li taxa Nişantaşı ya Stenbolê di High Schoolê dixwîne, bi bursê diçe DYAyê li federedewleta Massachusettsê xwendina xwe didomîne. Sala 1966'ê ji beşa ziman û wêjeya îngilîz a zanîngeha Stenbolê destûrdar dibe. Li heman zanîngehê master û doktorayê jî dike, wergera pirtûkan dike.

Di cûntaya leşkerî ya 12'ê adarê (1971) de du salan di girtîgehê de dimîne. Sala 1974'ê vedugere zanîngehê. Bingeha hin kovarên sosyalîst, çepgir davêje. 1981'ê ji zanîngehê vediqete. Sala 1983'yê gerînendetiya giştî ya kovara Yeni Gündem û weşanxaneya İletişim Yayınlarıyê dike.

Ji sala 1996'ê ve dersên wêjeyê dida, di rojnameya Radikalê de dinivîsî. Sala 2008'ê dawî dide Radikalê, derbasê Tarafê dibe. Di heman demê de di radyo û TVan de bernameyan jî amade dike.