Mîran Janbar

Mîran Janbar
Jidayikbûn	1974 (49–50 salî) Qoser, Mêrdîn,Bakurê Kurdistanê
Pîşe	Nivîskar
Zimanê nivîsinê	Kurdî
Netewe	Kurd
Hevwelatî	Tirkiye
Perwede	Zanîngeha Dîcleyê
Şêweyê wejêyî	Roman kurteçîrok
Mijar	Honaka zanistî
Berhemên navdar
Qolyeya Cecileê (2012)
biguhêre

Mîran Janbar roman û çîroknivîseke kurd e. Di sala 1974an de, li Qosera Mêrdînê ji dayik bûye.

Jiyana wî

Di sala 1997an de, li Zanîngeha Dîcleyê, beşa matematîkê qedandiye.

Janbar, di nava qonaxên xwe yên nivîskariyê re, heta sala 2004an, bo demeke dirêj bi kar û barên şanoyê mijûl bû û di nava gelek komên şanoyê yên curbecur de derhênerî, lîstikvanî û karê nivîsandina deqên şanoyê kir.

Nimûneyên berhemên Janbar, ji navîna salên 90î û pê de, di kovarên wêjeyî yên wekî Jiyana Rewşen, Rewşen-Name, Kovara W û di gelekên din de hatin weşandin. Mîran Janbar her wisa bi karê weşangeriyê jî radibe û yek ji damezirînerên Weşanxaneya Lîsê ye, ya ku di sala 2004an de li Amedê hatiye damezirandin.

Janbar niha jî di Weşanxaneya Lîsê de wekî berpirsiyarê hin rêzên pirtûkan û rêveber, li gel nivîskariya xwe, bi karên xwe berdewam e.

Berhem

• Ardûda, roman, 2004, Amed, Lîs
• Azad, kurteçîroka bo zarokan, 2006, Amed, Lîs
• Qolyeya Cécileê, roman, 2012, Amed, Lîs
• Kaptanê Mirinê, çîrok, 2019, Amed, Lîs ISBN 9786057535368