Navenda Xanî ya Rewşenbîrî û Ragihandinê
| Founded | 1991 |
|---|---|
| Location |
|
| Leader | Îhsan Amêdî |
| Website | navendaxani |
Navenda Xanî ya Rewşenbîrî û Ragihandinê dezgeheke medyayî, rewşenbîrî û ragihandinê ye ku bingeha wê li bajarê Dihokê ye û ser bi Partiya Demokrat a Kurdistanê ve ye. Ev navend çendîn sazî û dezgehên medyayî yên girîng ên wekî Televîzyona Dihokê, Rojnama Evro û Çapxaneya Xanî bi xwe ve digire.[1]
Dîrok
[biguhêre | çavkaniyê biguhêre]Bingeha vê navendê vedigere sala 1991ê ku di wê demê de wekî berdewamiya "Nivîsîngeha Rewşenbîrî û Ragihandinê" ya ser bi Lقی 1 ê ya PDKê ve li serdema Şoreşa Gulanê dest bi karê xwe kiribû. Di sala 2000î de ev nivîsîngeh vediguhêze "Dezgeha Xanî" û bi ser Mekteba Navendî ya Rewşenbîrî û Ragihandina PDKê ve tê girêdan. Di sala 2019an de, navê Dezgeha Xanî hatiye guhertin û vediguhêze "Navenda Xanî ya Rewşenbîrî û Ragihandinê".[1]
Rêveberên navendê
[biguhêre | çavkaniyê biguhêre]Ji destpêka damezrandinê heta niha, ev kesayetî berpirsiyariya navendê kirine:
- Dr. Rizgar: 1991-1992
- Hemîd Sûrî: 1992-1994
- Karwan Akreyî: 1994-2000
- Fehîm Ebdula: 2000-2014
- Mehfûz Mayî: 2014-2019
- Îhsan Amêdî: 2019 – heta niha
Dam û dezgehên sereke
[biguhêre | çavkaniyê biguhêre]Navenda Xanî ji van sazî û dezgehên medyayî û rewşenbîrî pêk tê:[1]
- Televîzyona Dihokê
- Radyoya Dihokê
- Rojnama Evro
- Çapxaneya Xanî
- Kovara Sivore
- Ajansa Xanî
- Kovara Metîn
- Televîzyona Dihokê – Werzişî
Çavkanî
[biguhêre | çavkaniyê biguhêre]- ^ a b c "دەربارەی مە". ناڤەندا خانی. Roja gihiştinê 24 tebax 2025.