Riya Ewropayê E6

Ji Wîkîpediya, ensîklopediya azad.
Nîşaneya Riya Ewropayê E6.
Rotaya Riya Ewropayê E6.

Riya Ewropayê E6, riya sereke ya bakur û başûr e ku di nav Norwêcê û her weha di perava rojavayê Swêdê re derbas dibe.[1] Rê 3.056 kîlometre dirêj e û ji serê başûrê Swêdê li Trelleborg, digihîje Norwêcê û hema hema li seranserê welêt li bakur digihîje çembera Arktîk û Nordkappê. Riya Ewropayê E6 li Kirkenes a li nêzîkê sinorê Rûsyayê diqede.[2]

[biguherîne | çavkaniyê biguherîne]

Pira Svinesundê ku di sinorê di navbera Norwêc û Swêdê de derbas dibe.

Riya Ewropayê E6, berî ku sînorê li Pira Svinesund derbasî Norwêcê bibe, ji başûr ber bi bakur ve li navendên wekî Trelleborg, Malmö, Helsingborg, Halmstad, Goteborg, Svinesund ya Swêdê re derbas dibe. Piştre Halden, Sarpsborg, Moss û derbasî bajarê paytext a Osloyê dibe. Li bakurê ve, rê di navendên wek Gardermoen, Hamar, Lillehammer, Dombås, Oppdal û Melhus re derbasî Trondheimê dibe.

Ji xeynî Trondheim, E6 di Stjørdal, Verdal, Steinkjer, Grong, Mosjøen, Mo i Rana, Saltdal, Fauske û Hamarøy ber bi Bognes ve tê ku li wir ferîbotek heye ku di ser Tysfjorden re berbi Skarberget ve derbas dibe. Piştre re rê bi navgîniya Narvik, Setermoen, Nordkjosbotn, Skibotn û Altayê ve berbi Olderfjordê ve diçê ku li wir Riya Ewropayê E69 ber bi Nordkapp ve ber bi bakur ve diçe. Di vê navberê de E6 ber bi Lakselv û Karasjok ve ber bi başûr ve dizivire, dûv re li perava rojavayê Anarjohka ku sinorê Fînlendayê pêk tîne, dewam dike. Li derveyî sinor, rê di Varangerbotn û Kirkenes re derbas dibe ku rê li rojhilatê navenda bajêr diqede.

Di navbera Trelleborg û Kirkenes de, zêdetirî 800 km rotayek kurttir heye ku E4 û E75 bikar tîne, di nav dirêjtirîn rêyên Ewropayê de ye. Li Finnmark çend rêyên alternatîf ên kurttir ên E6 hene.

Çavkanî[biguherîne | çavkaniyê biguherîne]

  1. "trafikverket".
  2. Kind, Hanne Stine (25 hezîran 2015). "Sju års E6-ventetid er over". NRK (bi norwecî (bokmål)). Roja wergirtinê: 28 tebax 2022.