Xwînber

Xwînber (bi Inglîzî artery) coreyek ji coreyên xwînboriyan in ko xwînê ji dilî ber bi alîyê endamên (organên) laşî dibin. Du xwînberên serekî xwînê ji dilî dibin: aorta û xwînbera pişîyê. Aorta mezintirîn xwînbera laşî ya û xwînê ji alîyê çepê yê dilî ber bi hemî endaman dibit. Xwînbera pişîyê jî xwînê ji alîyê rastê yê dilî ber bi siyan anko pişikan dibit.

Bi giştî xwîna ko di xwînberan da dibihurit xwîneka oksîjendayî ye. Awarteya vê gotinê tenê xwînbera pişîyê ye. Anko xwîna ko di xwînberan da diherikit xwîneka sortir e ji wê xwîna ko di xwînwerînan da diherikit. Lê xwîna ko di xwînbera pişîyê da ji dilî ber bi siyan diêit bêokîjentirîn anko reştirîn anko şîntirîn xwîna laşî ye û jibo wergirtina oksîjenê û derkirina duanoksîda karbonê ber bi siyan dihêt hinartin. Jiber vê yekê binavkirina xwînberan bi sordemar û xwînwerînan bi şîndemar ne rast e.