Zimanê marathî

Marathî yek ji zimanên Hindû-Aryan e ko li rojava ya Hindistanê li Maharaştrayê pê diaxivin. Ev ziman, digel zimanê Bengalî yek ji kevintirîn zimanên xwecihî yên Hindistanê ne ko xwedî edebiyateka xwesr ya nivîskî ne. Marathî zimanê fermî yê wîlayeta Maharaştrayê ye û nêzî 90 milyon kesan wekî zimanê dayikê pê diaxivin. Ev ziman bi kêmanî 1500 salan kevin e.

Marathî ji aliyê rêzimanê ve li zimanê Palî û Prakît hatiye. Di kevin da, ji vî zimanî ra Maharaştrî, Maharathî, Malhathî û Marthî jî digot.

Belavbîna cihnaskî

Marathî zêdetir li wîlayeta Maharaştrayê belave, lê li Guceratê, Madhiya Pradêşê, Goayê, Karnatakayê, Tamîl Naduyê û Andhra Pradêşê û herêmên ser bi Hindistanê yên Daman-Diuyê, Nadra Nagal Haveliyê jî dihêt axivtin. Bajarên Baroda û Ahmedabadê hêşetên mezin yên Marathî-axivan lê hene.

Pêgehê fermî

Ev ziman zimanê fermî yê wîlayeta Maharştra ya Hindistanê ye. Qanûna Bingehîn ya Hindistanê vî zimanî yek ji 22 zimanên fermî yên Hindistanê dihesibînit.