Wîkîpêdiya

Wíkípédíya (we Éngilísí "Wikipedia") projheyg aza, wef-biníce, hewbesh, ú cendzuwaní ye ke we lay Bingey Wikimedia pishtíwaní búd. Nawegey améteyg e le du wishey "wíkí" (we Éngilísí "wiki") ke we zuwani Hawaíyane yaní "tún", ú "encyclopedia" ke wisheyg Éngilísí ye be watey (me'nay) "zanistname". Da íse nizígi 13 mílyon wetar ú namílke le Wíkípédíya núsyag e, gishtí we des xwazyarel (dawtelebel) le gisht shúnegani dinya. Her wey júre her kesísh ke bituwayd tuwaníd Wíkípédíya birazíd (vírayish bikeyd). Wikípédíya le salli 2001 we des Jimmy Wales ú Larry Sanger xisyagese ser. Íse Wíkípédíya túntirín gewretirín ú wedilltirín sercawkey (merje') étila'at le íntérnét e.

Munteqideli Wíkípédíya intiqad lewe ken ke ey projhe we túri pergallane (sístémík) laygírí (janibdarí) keyd ú úshin ke Wíkípédíya firetir we tewafúqi wirazeregan (édítoregan) ehemíyet deyd da we étibar ú senedíyeti wetaregan. Qabili étmínan bín ú durustí Wíkípédíyaysh we lay be'zí kesel red bíye.

Kovari (mejelley) Time Wíkípédíyay le diríjhari YouTube, MySpace, ú Facebook le nimúneyli sérviseli Wef 2.0 naw birige ke mílyonel wekarer (karber) dírín.

Dírok

Ey projhe le wera we sureti Nupedia des we kar kird. Nupedia yé zanistnamey mejazí bí we zuwani Éngilísí. Píya serekígani Nupedia ébaret bín le Jimmy Wales (mudíri éjrayí Bomis) ú Larry Sanger, mudíri wirastin Nupedia ke le duma bíye mudíri wirastin Wíkípédíya.

Wales wey xasíyete nasyag e ke amanjí (hedefí) ewe bí ke zanistnameyg dashtibí ke herkesíg bituwaníd wirazídí. Welí Sanger merúf e we eye ke erra resín wey armanje le wíkí ístifadey kird. Le kútayí salli 2001a Wíkípédíya 20,000 wetar we 18 zuwani dínya dasht. Wíkípédíyay Éngilísí le Sali 2007a le merzi 2 mílyon wetar wirya.

Sirúshti Wíkípédíya

Wíkípédíya juríg e ke her kesíg tuwaníd we endam bín wetaregan wirazíd ya binúsíd. Gisht nishanegan ú redipayeli wirastinegan míníd ú díyar bud ke kí ce kirige ú ce nekirige.

Yegíg le mushkilegani Wíkípédíya yese ke xuwenergan níyezanin ke erra nimúne ey wetare ke xuwenin túshyari genkarí (xirawkarí) bíye ú kesíg erra genkarí kirdin ey deskarí kirige ya ne.

Le demi núsín ú wirastini wetaregan parastini qabili étmínani bíni metlebegan ú durustíyan erra Wíkípédíya fire giring ú mohém e.