Sorik (nexweşî)

Sorik di çermê nerm de

Tîpîk sorik

Sorik (Morbili) yek ji nexweşiyên mîkrobîk, bisaw ên zarokan e.

Kesên ku sîstema wan î parastinê biserketine, di zaroktiyê de derbaskirine, bi sorikê nakevin. Bisaw e, pirr zû belav dibe. Pirranî bi payîz û zivistanan xwe dide der. Kurtbûna vîrûsan 9-10 roj didome û paşê vîrûs xwe zêde dikin.

Hin sîmptomên sorikê

• Hêstirên çavan
• Destpêkê de zêdetîna laş
• Kuxîn
• Herikîna poz (bêvle)
• Di nava mûkoza dev de pinkteyên sorik
• Pinkteyên sorik di çermê zarok de

Nexweşî heger komplîkasyonek nehêle û sîstema parastinê biserbikeve di nava çend rojan de derbas dibe û ti ziyanê nahêle. Divê bête zanîn ku sorik di zarokên pirr piçûk, mirovên temendirêj û bicaniyan de dijwar û bixetere ye. Hîjyen û bihêzkirina laş pirr girîng e.

Terapî

Terapiya sorikê li ser bihêzkirina laş û hîjyenê ye. Dermaneke taybet nîne. Bijîşk dikarin hin kombînezonên antîbiyotîkan bikarbînin. Dermanên êşê, xistina tîna laş jî tên bikaranîn. Zarokên ku bi sorikê ketine, bi qasî 9-10 rojan naçin dibistanê û di vê demê de bo ku nebe saw tê tênêkirin. Derziya parastinê ya sorikê di 10 mehî de tên lêxistin. Çêtir e mirov zarokan birêkûpêk bibin derzîkirinê.