Wîkîpediya:Nûçe

'Qedexeya li ser hesabên Roj TV rabû' Îro dadgeha Danîmarka biryarek dîrokî ji bo televizyona Kurdan da. Serokê dadgehê got; “Ji bo desteserkirina hesaban heta niha tu delîlên hiquqî nehatine dîtin”. Dadgehê diyar kir ku televizyon bi alîkariya civakê weşanê dike û têkiliya wê bi terorîzmê re tune ye. Her wiha bal kişand ku Roj TV jî weke hemû televizyonan weke saziyeke çapemeniyê ye. Dadgeh daxuyand ku wê di nava 14 rojan de sedemên biryarê rabigihînin.

'Daxwaza parastina bi Kurdî ya siyasetmedarên Kurd hat redkirin' Duyemîn danişîna doza 151 siyasetmedarên Kurd û parêzvanên mafên mirovan li 6-mîn Dadgeha Cezayên Giran a Amedê destpêkir. Heyeta dadgehê di rûniştina îro de daxwaza parastina bi Kurdî ya siyasetmedarên Kurd redkir û biryara xwendina cewhera îdîanameyê da.

'Tirkiyê kitêba ”Mem û Zîn” bi kurdînezanekî da wergerandin' Wezareta Çandê ya Tirkiyê kitêba Ehmedê Xanî ”Mem û Zîn” bi Tirkekî ku Kurdî nizane da wergerandin. Li gor agahdariyên hatine bi dest xistin, Prof. Dr. Namik Açikgoz ê ku li Ûnîversîteya Mugla kar dike, bê ku Kurdî bizane, kitêb ji Kurdî wergerandiye Tirkî.

'Proje-yasaya Encûmenê Asayişa Herêma Kurdistanê hat pesendkirin' Civata Wezîran a Herêma Kurdistanê herdu proje-yasayên Encûmenê Asayiş û Dezgehê Asayişa Herêma Kurdistanê pesend kir. Herwiha biryar da 8 lîwayên nû yên yekgirtî ser bi Wezareta Pêşmerge bên avakirin.