Pergala Navneteweyî ya Yekeyan

Sîstema Navneteweyî ya Yekeyan (bi înglîzî The International System of Units) ko ji ber navê wê yê fransî (Le Système international d'unités) wekî SI dihêt kurtkirin tehera nûdem ya sîstema metrîk e. Ev sîstem di warê bazirganî û zanistî da berbelavtirîn sîstema yekeyan li cîhanê ye.

Sîstema metrîk ya kevin çend destekekên yekeyan tê da bûn. SI li sala 1960ê li ser bingehê sîstema metre-kîlogram-saniyeyê hat avakirin. Ev sîstem gelek sîstemeka jînwer e û gelek yekeyên nû bi lihevhatinên navnetewî û li goreyê pêşdaçûna teknolojî yên pîvanê pênase dikit an jî pênaseyên kevin yên yekeyên kevin diguhêrit.

Piraniya welatên cîhanê sîstema SI wekî sîstema fermî pejirandî ye. Lê hêşta Welatên Yekbûyî Yên Emerîkayê di gelek biyavan da sîstema kevin jî dixebitînin. Li Keyanîya Yekgirtî ya Brîtanyayê siyaseta hukmetê wergerandina sîstema kevin e, lê hêşta ev sîstem di hemî waran da bi temamî nahêt xebitandin. Welatên ko hêşta SI bi tewawî nexebitandî (mîna WYE û KYB) yekeyên xwe yên sîstemên kevin li goreyê SIyê jinûve pênaskirine.