Samî Tan

Wêne:34484

Samî Tan

Samî Tan sernûser û Gerînendeyê Giştî yê Weşanê yê rojnameya kurdî Azadiya Welat e. Her wiha ew endamê Senatoya Enstîtuya Kurdî ya Stenbolê, Berpirsê Karên Nivîsaran ê Ajansa Nûçeyan a Dîcle DİHA'yê û endamê Pena Kurd a Amedê ye.

Kurtejiyan

Samî Tan di sala 1965'an de li gundê bi navê Axçelî yê bi ser navçeya Kolikê ya Semsûrê ve hatiye cîhanê. Lê di nasnameyê de ev agahî bi awayekî din in. Li gorî nasnameyê di sala 1968'an de li Mêrsînê hatiye cîhanê. Samî Tanî dibistana seretayî, navincî û amadehî li Mêrsînê kuta kiriye. Piştre li Zanîngeha Boğazîçî ya Stenbolê beşa dîrokê xwendiye, lê nebiriye serî. Di sala 1993'yan de li Rojnameya Welat dest bi xebatê kiriye. Her wiha di rojnameyên mîna Welat, Welatê Me, Özgür Ülke, Dicle Haber Ajansı û Azadiya Welat de xebitiye. Niha endamê Desteya Rêveber a Enstîtuya Kurdî ya Stenbolê ye.

Berhem

Wêne:Waneyên rêzimanê kurmancî.jpg

Waneyên Rêzimanê Kurmancî

• Waneyên Rêzimanê Kurmancî, Weşanên Welat
• Beranê Enîbeş, Weşanên Welat
• Rêziman û Rastnivîsa Zaravayê Kurmancî

Her wiha nivîsên wî ji bilî van weşanan di Kovara Zend, Jiyana Rewşen, Avaşîn de hatine weşandin. Wî ligel Zana Farqînî û Hasan Kaya namilkeyek bi navê 'Em Zimanê Xwe Binasin'amade kiriye.

Werger

• Manîfestoya Komunîst,Friedrich Engels, Karl Marx, Yordam Kitap, 2011