Sûrî

الجمهورية العربية السورية Al-Jumhūriyyah al-'Arabiyyah as-Sūriyyah
Komara Erebî ya Sûriyê
(Ala) (Nîşan)
Sirûda netewî: Homat el-Diyar
Zimanên fermî	Erebî
Zimanên nefermî	Kurdî, ermenî, sûryanî û turkmenî
Paytext	Şam 33°30′Bk 36°18′Rh
Bajarê mezin	Şam
Sîstema siyasî	{{{sîstema_siyasî}}}
- Serkomar  - Serekwezîr	Beşar el-Ased Muhammad Naji al-Otari
Rûerd  - Giştî  - Av (%)	185.180 km2 1,1
Gelhe  - Giştî (2009)  - Berbelavî	22.198.110 kes 119,9 kes/km2
Serxwebûn	17'ê avrêlê 1946 ji Fransayê
Dirav	Pounda sûrî (SYP)
Dem	UTC+2
Nîşana înternetê	.sy
Koda telefonê	+963

Sûrî (bi erebî: سوريا ‎ Sūriyā) an jî Komara Erebî ya Sûriyê (الجمهورية العربية السورية Al-Jumhūriyyah al-'Arabiyyah as-Sūriyyah) welat û dewletek di rojhilata navîn de e. Li wir nêzîkî 18 milyon kes hene. Serbajarê Sûriyê Şam e.

Gelên Sûriyê

Wekî ku tê zanîn, hêjmara hemwelatiyên Suriyê zêdeyî 19 milyonan ne, % 75-ên van jî ne ereb in. Hêjmarek mezin Kurd in (li gorî sîyaseymedarên kurd yê Sûriyê, sê milyon kurd hene; hinek jî dibêjin ku sê milyon in) her wiha jî hêjmarek pir mezin ji aramî (sûryanî), turkmen, ermenî, druzî û hîn jî hene.

Ev gelan jî di heremên xwe yên esîl de dijîn û di dîrokê de îsbatên hebûna wan hene, lê dewleta Suriyê ya Baasîzm (Nasirîzim), van hemûyan înkar dike û ji bilî ereban tu kesî nasnakê. Yanî dive ku her kes bibe Ereb. Ku tu nebî Ereb jî, wê demê tu bi îxanet û ajantiya împeryalîzmê û Sehyunîzmê ve têy suçdar kirinê.

Bajar

Bajarên mezin Şam, Haleb û Hims in. Bajarên ku bi piranî kurd in Efrîn, Heseke, Qamişlo, Dêrîk, Kobanî, Serê Kaniyê, Amûdê û Tirbespî ne.

Rejîma Suriyê

Rejîma Suriyê ya ku di bin destê hişk û reş yê partiya “El-Baas” (ya ku bi înqîlabeke hovane derbasî ser desthilatiyê bû) de ye. Ev bû çiqas salin bi dîktatoriyeke ku nayê wesfkirinê û bi riya girtin, zilm, zor, zext û tirsandin û tehdîd û kuştinan re desthilatdariya xwe ya diktator bi rêve dibe û didomîne. Desthilatiya ku di destê malbata Hafiz el-Ased û çend mirov û xulamên wan yên hov de ye, hemû ecayib û felaket bi serê gel de anîn. Di destpêkê, di sere gelê xwe (Ereb) de û pişt re jî, di sere hemû gel û netewên ku bi darê zorê tevlî dewleta Suriyê kirine anîn.