Orhan Dogan

Orhan Dogan
Jidayikbûn	25 tîrmeh 1955  Mêrdîn
Mirin	29 hezîran 2007
Sedema mirinê	Mirina masûlkeyên dil (Sedemên sirûştî)
Hevwelatî	Tirkiye
Meqam	endamên Meclîsa Mezin a Neteweyî ya Tirkiyeyê
Partiya Siyasî	Partiya Demokrasiyê
biguhêre - Wîkîdaneyê biguhêre

Orhan Dogan (bi tirkî: Orhan Doğan) (jdb. 25ê tîrmeha 1955an li gundê Xelîla ya Kerboran a Mêrdînê - m. 28ê hezîrana 2007an li Wanê) siyasetmedar, dadnas û parlamenterekî kurd bû.

Di malbateke karmend de ji dayik bûye. Ji ber karê bavê xwe jiyan û xwandina xwe li gelek cihan bi dawî kiriye. Piştî bidawîkirina dibistana amadeyî sala 1974an de dest bi zankoya Fakûlteya Dadnasiyê ya Enqereyê dike. Dibe parêzer û di rewşên dijwar de parêzvaniya çalakgerên Kurd dike. Bi damezrandina partiya legal a kurdan (li Bakurê Kurdistan û Tirkiyê) HEPê ve dest bi karê polîtikayê dike. Wekî parlamenterê Kurd tê hilbijartin û dikeve meclîsa Komara Tirkiyê. Sala 1994î de bi darê zorê Dogan û parlamentêrên kurd ên DEPê, bi dijûn û geflêkirinan ji aliyê polîsên dewletê ve ji meclîsê tên derxistin û zîndanîkirin.

Dogan jî wekî Leyla Zana, Selim Sadak, Hatip Dicle nêzîkî 11 salî di girtîgehê de dimîne. Piştî serbestberdanê dîsa dest bi xebatên xwe yên polîtîk dike.

Tenduristiya Orhan Dogan di axavtineke xwe ya li Bazîdê de xirabdibe û ew bi mirina masûlkeyên dil (qeyrana dil, krîza dil) li nexweşxaneya Zanîngeha Wanê jiyana xwe ji dest dide. Dogan zewicî û xwedî pênc zarokan bû.