Webb's First Deep Field

Ji Wîkîpediya, ensîklopediya azad.
Jump to navigation Jump to search
Webb's First Deep Field

Webb's First Deep Field, yekem wêneyê xebatê ye ku ji aliyê Teleskopa Fezayê James Webb ve hatiye kişandin. Wêneyê qada kûr ku devereke piçûk a ezman e û ji Nîvkada Başûr ve xuya dibe vedihewîne. SMACS 0723, komikek galaksiyan e ku bi durbuna 4.6 mîlyar salên ronahiyê ji Cîhanê dûr e û di komstêra Volan de tê nîşandan. Di 11ê tîrmeha sala 2022an de NASAyê wêneyê ku ji hêla Kameraya Nêzîkî Înfrared a teleskopê (NIRCam) ve hat kişandin, ji raya giştî re hat eşkere kirin. Di wêneyê de bi hezaran galaksî têne dîtin ku wêneya herî bilind a gerdûna destpêkê ye ku heya niha hatiye kişandin.

Giştîve[biguherîne | çavkaniyê biguherîne]

Teleskopa Fezayê ya James Webb teleskopa fezayê ye ku ji hêla NASA ve tê bikaranîn û bi bingehîn ji bo stêrnasiya infrasorê hatiye çêkirin. Keştiya fezayê ku di kanûna sal 2021an de hatiye şandin, ji çileya sala 2022an vir ve li dora duyemîn xala Lagrange ya Roj-Erdê (L2) ye ku bi qasî 1.5 mîlyon kîlomêtre dûrî Cîhanê ye.[1]

Qada Kûr a Yekem a Webb ku ji aliyê Kamera Nêzîkî Jêrsor a Teleskopê (NIRCam) ve hatiye kişandin û pêkhateyek e ku ji wêneyên bi dirêjahiya pêlên cûda û bi tevahî 12.5 demjimêran de hatiye hilberandin.[2][3] Wêneyê di dirêjahiya pêlên infrasor de ji qadên herî kûr ên Teleskopa Fezayê ya Hubble ku hefte derbas bûne, kûrahî peyda kiriye.

SMACS 0723 komek galaksîk a ezman e ku ji Nîvkada Başûr a Dinyayê ve tê dîtin û gelek caran ji aliyê Hubble û teleskopên din ve bi armanca lêgerîna paşeroja kûr a galaksiyê hatiye lêkolîn kirin.[4]

Encamên zanistî[biguherîne | çavkaniyê biguherîne]

Wêneyê koma galaksiyên SMACS 0723 nîşan dide ku koma galaksiyên SMACS 0723 4.6 mîlyar sal berê derketine holê.[5] Gelek hebûnên kozmolojîk ên hatine teswîrkirin ji ber berfirehbûna fezayê li ser dûrahiya zêde ya ronahiya ku ji wan radibe, ketine ber guheztina sor.[6]

Girseya hevgirtî ya koma galaksiyan wekî lenseke gravîtasyonê tevdigere ku galaksiyên pir dûrtir li pişt xwe mezin dike. NIRCama Webb galaksiyên dûr xiste nav balek tûj, strukturên piçûk û qels ên ku berê qet nehatine dîtin, di nav de komikên stêrkan û taybetmendiyên belavbûyî jî hene, derxistiye holê.[7]

Çavkanî[biguherîne | çavkaniyê biguherîne]

  1. Overbye, Dennis; Chang, Kenneth; Tankersley, Jim (2022-07-11). "Biden and NASA Share First Webb Space Telescope Image". The New York Times (in American English). Retrieved 2022-07-15.
  2. Garner, Rob (2022-07-11). "NASA's Webb Delivers Deepest Infrared Image of Universe Yet". NASA. Retrieved 2022-07-15.
  3. "Webb's first deep field". www.esa.int (in îngilîzî). Retrieved 2022-07-15.
  4. Overbye, Dennis; Chang, Kenneth; Tankersley, Jim (2022-07-11). "Biden and NASA Share First Webb Space Telescope Image". The New York Times (in American English). Retrieved 2022-07-15.
  5. "Webb's first deep field". www.esa.int (in îngilîzî). Retrieved 2022-07-16.
  6. "Here's the deepest, clearest infrared image of the universe ever produced". PBS NewsHour (in American English). 2022-07-11. Retrieved 2022-07-16.
  7. Garner, Rob (2022-07-11). "NASA's Webb Delivers Deepest Infrared Image of Universe Yet". NASA. Retrieved 2022-07-16.