Zimanê latînî

Nivîseke latînî ku di sedsala pêncan a zayînî de bi destê konsulê romayî Decius Marius Venantius Basilius hate çêkirin (ji Coliseuma Romayê).

Li Împeratoriya Romayê zimanê latînî bûye zimanê fermî.

Latînî an jî zimanê latînî (bi latînî: Lingua latina) navê zimanekî îtalîk ê malbata zimanên hind û ewropî ye, wek zimanên oskî, ûmbrî û sabînî. Latînî zimanê fermî ya Împeratoriya Romayê bûye, lê îro bi tenê li Vatîkanê dimîne wekî zimanê fermî. Zimanekî mirî ye, anku zimanê bav û kalên tukesî nîne.

Latînî herwekî zimanê ayînî yê mesîhiyên katolîk û zanistê bûye. Heta îro dabeşbûna zanistî ya botanîk û zoolojîk (taksonomî) bi zimanê latînî ye.