Oliver Twist (pirtûk)

Ji Wîkîpediya, ensîklopediya azad.
(Ji Oliver Twist hate beralîkirin)
Here cem: navîgasyon, lêgerîn
Çapa pêşîn a Oliver Twist (1838)

Oliver Twist, duyemîn romana nivîskarê brîtanî Charles Dickens e. Pirtûk di sala 1838an de derket.

Çîrok[biguherîne]

Lehengê çîrokê zarokekî bi navê Oliver Twist e ku li sêwîxaneyekê ye. Birêveberiya sêwîxaneyê ji wî aciz in û dixwazin ji demekê zûtir wî bidin cem malbat an kargehekê û biser jî dikevin wî didin cem kesekî ku miriyan dişo û radike. Li wir herçendî zarok e jî, gelek zilmê dibîne. Direve diçe Londonê.

Li wir dikeve dafika komekê diz û rêbirran. Ji aliyê kesekî qaşo baş ve bi neheqî û nezanî tê birîndarkirin. Di darizandinê de bêsûciya xwe dide îspatkirin. Ew kesê baş ku dewlemend e dixwaze xwedî lêderbikeve lê Oliver dîsa dikeve destê mafyayê.

Ji vir şûnde têkoşîna Oliver a ji bo îspatkirina bêsûciya xwe û xwe ji destê mafyayê azadkirinê destpêdike. Bi awayekî trajîk lê bi serbilindî dawî li romanê tê.

Roman di wêjeya zarokan de xwedî dengekê mezin e.

Wergera kurdî[biguherîne]

Pîrtûk ji aliyê nivîskar û wergêrê Başurê Kurdistanê Rojhat Seîd ve hatiye wergerandin bo zimanê kurdî yê bi alfabeya erebî. Li Bakurê Kurdistanê tu çapa wê ya kurdî nîne.

Çavkanî[biguherîne]