Tûrabdîn
Ji Wîkîpediya
Tûrabdîn navê warê suryaniyan e û wek navenda olî û civakî ya suryaniyan tê nasîn.
Di nav kurdan de weke Tora Hevêrka tê binavkirin. Tûrabdîn herêmeke ji çiya pêkhatî ye. Ev herêm dikeve navbera Mêrdîn, Botan û Êlihê (Batmanê) û Midyad jî wekê navenda vê herêmê tê binavkirin. Li gor hin kesan niştecihên vê derê bi pirranî suryanî (aramî) bûn, lê em ji nivîsarên Eugen Prym û Albert Socin jî fêr dibin ku li herêmê di sedsala 19'an de jî bi pirranî kurd dijiyan (binêre li Lawija Mesîh). Heta salên 80'î û 90'î yên sedsala 20'a jî li vê herêmê gundên mesîhiyan hebûn, lê niha piraniya wan derketin derveyî welat.
