Edene

Edene Adana
Pira Kevirîn a Edeneyê
Edene Nexşeya cihan Tirkiye
Kargêrî
Welat	Tirkiye
Parêzgeh	Edene
Demografî
Gelhe	1,747,589 (2012)
Erdnîgarî
Bilindayî	23 m
Koordînat	36° 59′ 17″ Bakur        35° 19′ 36″ Rojhilat
Dem (UTC)	UTC+2

Edene (bi tirkî: Adana) bajarekî Tirkiyeyê ye. Di Tirkiyeyê de, yek ji 5 bajarên herî mezin e. Pîvana erda bajêr 14.256 km² ye. Tevahiya nifûsa parêzgehê (gorî hejmêra dawî) 2.125.635 e. Nifûsa navenda parêzgehê (bi tevî 5 navçeyên navendî) 1,747,589 e (2012). Ji navbera rojava û rojhilatê bajarê de Çema Seyhanê diherike.

Ji rojhilatê heya rojavayê, herêma ku 100 km dirêj e Herêma Bajarên Mezin yên Edene-Mêrsîn e û nêzikî 3 milyon nifûsa wê heremê he ye. Di Tirkiyeyê de, ev herêm herêma metropolîtana herî mezin a çaremîn e û navendekî bazirganî û çandeyariye.

Ev herem alî kanan (madenan) jî pir dewlemend e. Qrom, hesin, manganez, sirb(qurşûn) û tûtya (çînko) di heremê de pir tê dîtîn. Parêzgeha Edenê j'alî çandin jî pir giring e.

Di Çukurovayê de gellek zadên wek; genim, gukberojk, zeytîn, hinar, lazût(garis), narinc(purteqal, mandarîn, lalengî û lîmon), mûz, kîwî, hawêcan, şekirlewen, kartol, firingî, îsot, kaho(marûl), kelem, pîvaz, soya, riz(birinc), pembû, tirî, fisdeq, maş, xiyar, behîv, zebeş, gindor tên hilberandin. Lê belê, ji nav van zadan yê ku heri giring e pembû ye. Niha avdana van zadan bi avdana dilopî tê çêkirin.

Navçeyên Edeneyê

13 navçeyên Edeneyê hene:

• Qarsantî, bi tirkî Aladag
• Ceyhan
• Feke
• Qebristana Xerîban, bi tirkî Imamoglu
• Çeçelî, bi tirkî Karaisali
• Maxarsus, bi tirkî Karataş
• Sîs, bi tirkî Kozan
• Bazendum, bi tirkî Pozanti
• Haçîn, bi tirkî Saimbeyli
• Seyhan
• Tufanbeyli
• Ayaza, bi tirkî Yumurtalik
• Ûregîr, bi tirkî Yüregir