Herodot

Ji Wîkîpediya, ensîklopediya azad.
Here cem: navîgasyon, lêgerîn
Bustê Herodot

Herodot an jî Herodotê Halîkarnasosî (bi yewnanî: Ἡρόδοτος Ἁλικαρνᾱσσεύς, Herodotos Halikarnasseus), (rawejî 484 b.z.), † (425 b.z.) dîrokzan û nivîskarek yewnanî bû. Qasî ku tê zanîn Herodot dîroknasê herî pêşî ye, Marcus Tullius Cicero ji bo wî gotîye "Bavê Dîrokê". Ew bi pirtûka xwe ya bi navê Dîroka Herodot tê naskirin.

Jiyan[biguherîne]

Herodot li Halîkarnasosê, Bodruma îro li Tirkiyeyê, hatiye dinê. Li gorî ensîklopediya bîzansî ya Sûda (Souda), li ser Dîrokê, wî hewldaye hukûmeta stemkar bide erdê, lê bi ser neketiye. Ji ber vê yekê, ew çû Girava Samosê xwe li wir veşart. Paşê ew derkete gerekê û çû welatên farisan, Misir, Babîl, Ukrayna, Îtalya, Sîcîlya, Atînayê. Ew careke din venegeriya Halikarnasosê. Dema çûyî Atînayê wî bi kesên mezinên wê demê re pêwendiyên xurt danîn û di nav van kesan de Sofokles û Perîkles jî hebûn.

Pirtûk[biguherîne]

Herodot pirtûkekê li ser dîrokê û gerên xwe bi nave Dîroka Herodot nivisand. Ev pirtûk para bêhtir li ser împeratoriya Farisan, Misira kevin, Med û jiyana rojane ya gelên wî dîtî bû.

Binêre: Dîroka Herodot

Çend gotinên wî[biguherîne]

Qederka mirov heye û dimire û ji bo we hişên xwe jî hene.

Kesî wekê bêhiş tune ko, ew şûna aşitîye cengê helbijire.
Oudeis gar huto anoétos esti, ostis polemon pro eirénés hairëetai.

Di aşitiyê de zarok bavên xwe gorî dikin, di cengê de jî bav zarokên xwe gorî dikin.

Misir Nil e û Nil jî Misir e.

Giredanê Web[biguherîne]

  • [1] Dîroka Herodot.
  • [2] Li ser Herodot di About.com de.
  • [3] Li ser Herodot di Livius.org de.
  • [4] Pirsyarên li ser Herodot .
  • [5] Dîroka Herodot bi yewnanî û îngilîzî.
  • [6] Dîroka Herodot.