Aogashima

Aogashima
Aogashima
Girava volkanîk
	Aogashima li ser nexşeyê;
	Aogashima
	Koordînat: 32°27′28″Bk 139°45′33″Rh / 32.45778°Bk 139.75917°Rh
Dewlet	Japon
Li beşa îdarî	Aogashima ;
Merkeza îdarî	Aogashima ;
Qada rûerdê
• Giştî	5.96 km2 (230 sq mi)
Nifûs	170 (2019)
	biguhêre - Wîkîdaneyê biguhêre

Aogashima yan jî Girava Aogashimayê, (bi zimanê japonî: 青ヶ島) giraveke volkanîkî ye ku li başûrê Japon û li bakurê Mîkronezyayê ye. Aogashima giravek e herî li başûrê Izus e ku ji hêla siyasî û îdarî ve beşek ji Japon e lê ji hêla erdnîgarî ve ne beşek ji arşîpela Japonî ye. Girav bi bakurê rojhilatê Deryaya Fîlîpînê re sînor e û tavilê li bakurê Giravên Bonin e ku ji hêla Japon ve têne birêvebirin.^[1]^[2] Girav bi qasî 358 kîlomêtre li aliyê başûrê Tokyo ye û bi qasî 64 kîlomêtre li başûrê Hachijō-jima ye.

Gundê Girava Aogashima di bin Prefektura Hachijō-jima ya metropola Tokyoyê de tê birêvebirin. Rûbera giravê 8.75 km² e û li gorî daneyên sala 2014an nifûsa giravê 170 kes e.

Jeolojî

Aogashima giravek volkanîkî ya çaralî (quaternary) ya tevlihev e ku bi dirêjahiya 3,5 km û bi firehiya herî zêde 2,5 km ye ku ji bermahiyên hevgirtî yên ku herî kêm ji çar kalderayên di binê deryayê de ye pêk tê. Girav bi zinarên pir asê yên volkanîk ên biserhevkirî ve hatiye dorpêçkirin. Peravên başûr berbi zinarek asê ve diçe ku yek keviya kalderaya bi navê Ikenosawa (池之沢) ye ku ji dirêjahiya 1,5 kîlomêtreyê pêk tê. Otonbu (大凸部) bi bilindahiya 423 mêtre, wekî asta herî bilind a giravê ye. Girav di roja îro de jî ji hêla Ajansa Meteorolojî ya Japonî ve wekî volqanek çalak Class-C tê hesibandin. Teqîna herî paşîn a Aogashima di heyamek çar-salî, ji 1781an destpê kiriye heta sala 1785an çalakiya volkanê dewam kiriye.

Dîrok

Dîroka rûniştina mirovan li Aogashima ne diyar e û pirraniya niştecihên li Aogashima gelê japon e. Girav di tomarên serdema Edo hatiye nivîsandin ku li Hachijō-jima hatine girtin, girav di sala 1652an de û ji 1670an heya sala 1680an çalakiya volkanîkî hatiye tomar kirin. Di tîrmeha sala 1780an de erdhejek li golên li Kalderaya Ikenosawa pêk hatiye. Di gulana sala 1781an de erdhejên din jî bûne sedema teqînekê volkanîk. Di nîsana sala 1783an de, lavên ku ji konê Maruyama herikî bû sedema valakirina hemî niştecihan, 63 malbatên li giravê. Di sala 1785an de di dema teqînek mezin de, ji 327 kesên nifûsa giravê 130-140 kes mirin.

Çavkanî

^ Favro, S.; Brebbia, C. A. (2010). Island Sustainability (bi îngilîzî). WIT Press. ISBN 978-1-84564-434-5.
^ Fr?d?ric, Louis; Louis-Frédéric (2002). Japan Encyclopedia (bi îngilîzî). Harvard University Press. ISBN 978-0-674-01753-5.

[1] Favro, S.; Brebbia, C. A. (2010). Island Sustainability (bi îngilîzî). WIT Press. ISBN 978-1-84564-434-5.

[2] Fr?d?ric, Louis; Louis-Frédéric (2002). Japan Encyclopedia (bi îngilîzî). Harvard University Press. ISBN 978-0-674-01753-5.

[1]

[2]

Danegehên kontrola otorîteyê
Navneteweyî	VIAF
Neteweyî	Îsraêl DYA Japon
Cografî	Global Volcanism Program