Iskêyta pênîşanî

Iskêyta pênîşanî, yek ji werzîşên Olîmpiyadê ye ku tê de mirov bi serê xwe, bi cot an jî kom li ser qeşayê zivirîn, bazdan û tevgerên din ên dijwar pêk tînin. Ev werzîş yek ji werzîşên fermî yên Olîmpiyadên Zivistanê ye. Yekîtiya Navdewletî ya Skating (ISU) ji organîzekirina pêşbirkên vê werzişê û perwerdekirina dadwerên van pêşbirkan li welatên cuda berpirsyar e. Pêşbirkên vê werzişê ji asta destpêkî û bingehîn heya asta pîşeyî wekî pêşbirkên neteweyî û navneteweyî û olîmpiyatan têne lidarxistin. Iskêyta pênîşanî di nav xwe de dîsîplînên şêwaza azad, bilez û pêşandanê vedihewîne.